Пс37
1Давидын псаломжо. [Шуматкечым] шарнашлан.2Господь, кугун сырымет дене ит шылтале мыйым,кугу шыдет дене мыйым ит наказатле.3Вет Тыйын пикшет-влак капышкем пуреныт,Тыйын кидет мыйым темда.4Тыйын шыдетлан верч капыштем корштыдымо вер кодын огыл,сулыкемлан кӧра луэм-влаклан уке ласкалык.5Осал пашам-влак вуем дечат кӱшнӧ улыт,неле нумалтыш гай мыйым темдат.6Ушдымо лиймемлан кӧрасусырем-влак шӱйыт да ӱпшалтыт.7Вуйым сакен, чылт пӱгырген,кече мучко мый ойган коштам.8Вет мыйын уло кӧргем йӱла,капыштем уке корштыдымо вер.9Вием пытен, ӱнарем кодын огыл,чон йӧсӧ дене чот кычкырем.10Господь, чыла кумыл шонымем – Тыйын ончылнет,нелын шӱлымем Тыйын пылышет колеш.11Шӱмем чытыра, кодын огыл вием,шинчам волгыдым начарын ужеш.12Йолташ ден лишыл еҥем-влак,мыйын орлыкем ужын, кораҥыт,родем-шамычат тораште шогат.13Чонемым кычалше-влак мылам лӧдым шындылыт,осалым шонышо-влак мыйым пушташ кутырат,кузе ондалаш манын, кажне кечын шонат.14А мый пуйто соҥгыра улам – нимом ом кол,пуйто йылмыдыме – умшам ом поч.15Лийынам мый тугай айдеме, кӧ огеш кол,кӧн умшаштыже уке вашмут.16Вет мый, Господь, Тыйым вучем;Тый вашештет мылам, Господь, мыйын Юмем.17Каласенам мый: [тушманем-влак] ойгемлан ынышт йывырте,йолем тайныштме годым ончылнем ынышт кугешне.18Мый теве-теве камвозам,орлыкем эре пеленем.19Осал пашамым почын ойлем,сулык ыштымемлан ойгырем.20А тушманем-влак илат, вийым погат,амал деч посна мыйым ужмышудымо-влак шукын улыт.21Сайым ыштымемлан нуно осал дене пӧртылтат,порым ышташ тыршымемлан мыйын ваштареш шогат.22Господь, мыйын Юмем! Мыйым ит кодо,ит лий мый дечем тораште!23Господь, мыйын Утарышем,мыланем полшаш вашке!
Institute for Bible Translation, Finland