Пс35
1Хор вуйлатышылан. Господьын Давид тарзыжын мурыжо.2Осал еҥын сулыкшо тудын шӱмыштыжӧ кутыра,Юмо деч лӱдмаш тудын уке.3Вет тудо шкенжым пеш кугуэш ужеш,сандене сулыкшым огешат шеклане,тудым ужмышудымо ок лий.4Умшаж гыч лекше шомак-влак – шояк да чоялык,уш-акылым тудо шӱкалын, порым ыштымым чарнен.5Осалым ышташ шонкала малыме верыштыже,осал корныш шогалеш, осал деч ок йырне.6Господь, кава дек шумеш Тыйын порылыкет,пыл ора дек шумеш Тыйын ӱшанле улмет!7Тыйын чынлыкет кугу курыкла гай,чын судет – келге, пундашдыме!Айдеме ден вольык-янлыкым Тый аралет, Господь!8Мыняр шергакан Тыйын порылыкет, Юмына!Айдеме эрге-влак шулдыр йымалнет саклыме улыт.9Тыйын пӧртетын чесше дене нуно темыт,тичмаш куанетын эҥерже гыч Тый нуным йӱктет.10Вет илыш памаш Тый денет,Тыйын волгыдыштет ме волгыдым ужына.11Тыйым палыше-влаклан шке порылыкетым шуйо,яндар шӱм-чонан-влаклан – шке чынлыкетым.12Кугешныше айдемын йолжо мыйым ынже тошкал,осал еҥын кидше мыйым поктен ынже колто.13Теве осалым ыштыше-влак йӧрлыныт –нуным сӱмыреныт, нуно огыт керт кынел.
Institute for Bible Translation, Finland