Пс34
Давидын псаломжо.
1Кучедал, Господь, мый денем кучедалше-влак дене,кредал, Господь, мый денем кредалше-влак дене.2Изи ден кугу авыртышым налда мыланем полшаш шогал.3Мыйым поктылшо-влакым вашлияшумдо ден сарлык товаретым лук,каласе мыйын чонемлан:«Мый тыйын утарымашет улам!»4Чонем кычалше-влак тек намысыш да вожылмашыш пурат,мылам осалым шонышо-влак тек чакнат да намыс дене леведалтыт.5Мардеж дене нӧлталме арва гай нуно лийышт,тек Господьын Суксыжо нуным покта.6Тек корнышт лиеш пычкемыш да яклака,тек Господьын Суксыжо нуным поктен кая.7Вет титакем уке ӱмбач мылам вапшым шынденыт,титакем уке ӱмбач мылам вынемым кӱнченыт.8Тек нуно вучыдымын кошаргат,шындыме вапшышт тек шкеныштым куча,тек тушко логалыт колашлан.9А мыйын чонем Господьлан куана,Тудын утарымыжлан йывырта.10Уло шӱм-чонем дене мый каласем:«Господь, Кӧ уло Тый гает?Начарым Тый виян деч утарет,йорло ден незерым – нуным агыше деч».11Осалым шонышо таныкче-влак мыйын ваштареш шогалыныт:мом ом пале, тидын нерген йодыштыт.12Порым ыштымемлан мылам осал дене тӱлат,чонемже мыйын кодын тулыкеш.13А мый черлышт годым чоштыра вургемым чиенам,пӱтӧ дене чонем орландаренам,но кумалмемлан вашмутым налын омыл.14Йолташ але иза шотеш ужын, нунын верч коляненам,ава колымылан шортын коштшо гай,вуйым ӱлыкӧ сакен, ойганен коштынам.15А кунам мый шӱртненам,нуно куанен пырля чумыргеныт,мыйым вурсышо-влак погыненыт.Ом пале – молан мыйым чарныде шӱктареныт,16сайла кояш тӧчен воштылшо-влак дене пырляваштарешем шке пӱйыштым пурыныт.17Господь! Кунар эше тидым ончаш тӱҥалат?Утаре нунын умшашт деч мыйын чонем,нине лев-влак дечын мыйын илышем.18Моктем Тыйым кугу погынымаште,чаплем Тыйым шуко еҥ коклаште.19Амал деч посна тушманем лийше-влак ойгемлан ынышт куане,титакем уке ӱмбач мыйым ужмышудымо-влакшинчаштым икте-весыштлан ынышт пӱял.20Вет нуно тыныс нерген огыт ойло,но элыште тыныслын илыше-влак ваштареш осал-чоя пашам ышташ шонат.21Умшаштым ӱмбакем карен, тыге ойлат:«Туге, туге! Шке шинчана дене ужынна».22Чыла Тый ужынат, Господь, шып ит лий!Господь! Ит лий мый дечем тораште.23Кынел, Господь Юмем, мыйым арале,титаклымышт деч мыйым нал пыдалын!24Господь Юмем, чынлыкет почеш мылам чын судым ыште,тек нуно ойгемлан огыт куане.25Ынышт ойло шке шӱмыштышт:«О! Чылажат мемнан шонымына семын лие!»Ынышт ойло: «Ме тудым пытарышна!»26Тек вожылыт да намысыш пурат чылан, кӧ ойгемлан куанен:шкеныштым мый дечем кӱшкӧ шындыше-влакымтек вожылмаш ден намыс леведыт.27А нуно, кӧмыт мыйым чыныш лукмым ужнешт,тек куанат да йывыртат, чарныде ойлат:«Господь кӱдыратле, шке тарзыжлан Тудо тынысым шона!»28Йылмем ойлаш тӱҥалеш Тыйын чынлыкет нерген,Тыйым мокташ тӱҥалеш кажне кечын.Institute for Bible Translation, Finland