Пс33
1Авимелех деч кайымеке, Давидын возымо псаломжо. Авимелех ончылно тудо ушдымыла койынат, поктен колтымо лийын.2Эре моктем Господьым,Тудым чарныде моктымаш – мыйын умшаштем.3Мыйын чонем Господьлан йывырта,тек ӱҥышӧ-влак колыт да куанат.4Чапландарыза Господьым мый денем пырля,Тудын лӱмжым пырля моктена!5Кычалынам Господьым, да Тудо мыйым колын,чыла лӱдмашем деч мыйым утарен.6Кӧ ончалтышыжым Тудын дек савырен,тудо куан дене волгалтын –тыгай еҥын чурийжым вожылмаш ок левед.7Саде ӱҥышӧ сӧрвален – Господь тудым колында чыла орлыкшо деч утарен.8Господь деч лӱдшӧ еҥ-влак йырТудын Суксыжо шогалеш да нуным утара.9Господьын поро улмыжым тамлен ончыза да пален налза!Пиалан айдеме, кӧ Тудын полышыжлан ӱшана.10Лӱдса Господь деч, Тудын святойжо-влак,вет Тудын деч лӱдшӧ-шамычын мо кӱлешышт чыла уло.11Самырык лев-влакын нимошт уке, шужен шинчат,а Господьым кычалше-шамычын чыла кӱлешлык сайышт уло.12Толза, йоча-влак, колыштса мыйым:Господь деч лӱдмашлан тендам туныктем.13Илаш шонет мо, айдеме,йӧратет мо кужу сай ӱмырым?14Кучо шке йылметым осал деч,умшатым – осал-чоя шомак деч.15Кораҥ кай осал деч да порым ыште,тыныслыкым кычал, тудын деке лишемаш тырше.16Господьын шинчаже чын ыштыше-влакым онча,пылышыже нунын сӧрвален йодмыштым колыштеш.17Но осалым ыштыше-влак нерген шарнымашым мландымбач пытараш манын,Господьын чурийже нунын ваштареш лиеш.18[Чын ыштыше-влакын] сӧрвален йодмыштым Господь колеш,чыла орлыкышт деч нуным утара.19Сусыргышо шӱм-чонан-влак пелен Господь лиеш,ӱҥышемше шӱлышан-влакым Тудо утарен кода.20Чын ыштыше еҥын ойгыжо шуко,но Господь чылашт деч утара.21Господь арала тудын чыла лужым,ок пудырго иктыжат.22Осал еҥым осаллыкше пуштеш,да кӧн чын ыштыше еҥым ужмыжо ок шу,тудо титаканыш лукмо лиеш.23Господь шке тарзыж-влакын чоныштым утара,Тудлан инаныше ик еҥат титаканыш лукмо ок лий.
Institute for Bible Translation, Finland