Пс30
1Хор вуйлатышылан. Давидын псаломжо. [Тудым ойган жап годым муреныт.]2Тыйын полышетлан, Господь, ӱшанен илем,тек намысыш мый нигунам ом пуро.Шке чынлыкет почеш мыйым утаре.3Кол мыйын йӱкем, утараш мыйым вашке.Лий мылам пеҥгыде аралтыш, шылын куржмо вер –мыйым утаре.4Вет Тый кӱ курыкем, чоткыдо карманем улат,шке лӱметлан кӧра мыйым вӱдӧ да виктарен шого.5Мылам йышт шындыме вапш гыч лук мыйым,вет Тый аралтышем улат.6Тыйын кидышкет шке чонем пуэм.Господь, ӱшанле Юмем,Тый мыйым шуко гана утаренат!7Полган юмо-влаклан кумалше-шамычым ужмем ок шу,мый Господьлан инанем.8Тыйын порылыкетлан йывыртем да куанем,вет Тый ужынат орлыкем, паленат, кузе мылам неле,9тушман кидыш мыйым пуэн отыл,а кумда, йоҥгыдо верыш луктынат.10Господь, чамане мыйым, вет неле мылам,шинчам, чонем да кӧргем ойганен начарештыныт.11Ойгырен илен, илышем эрта,нелын шӱлен, ий-влакем йомыт.Сулыкемлан кӧра вием лушкен,луэм-влакат кошкеныт.12Тушман-влакемлан кӧра лийынам мый воштылчык,игылтыт мыйым пошкудем-шамычат,палымем-влаклан лийынам лӱдыктыш,куржыт мый дечем уремыште ужшо-шамычат.13Монденыт мыйым, пуйто коленам,пудыргышо ате семын лийынам.14Шукышт деч мый осал шомакым колам,чыла могырым кугу лӱдмаш –нуно мыйын ваштареш каҥашен кутырат,мыйын чонем пытараш шонат.15А мый, Господь, Тыланет инанем,ойлем: «Тый мыйын Юмем улат!»16Тыйын кидыштет илышаш кечем-влак,утаре мыйым тушманем-влакын кидышт дечда мыйым поктылшо-шамыч деч.17Шке тарзет ӱмбак волгыдо чуриет дене ончал,шке порылыкет дене мыйым утаре.18Господь! Тыйым сӧрвален ӱжам,тек ом пуро вожылмашыш,но осалым ыштыше-влак тек намысыш пурат,шӱгарыште умшаштым петырат.19Шып лийыт тек шояк умша-влак –нуно, кӧмыт кугешнен, шкеныштым кӱш шынден,чын ыштыше еҥ ваштареш намысдымын ойлат.20Мыняр шуко Тыйын порылыкет!Тый дечет лӱдшӧ-влаклан тудо нигунам ок пыте,Тыйын полышетлан инаныше-влакланчыла еҥ ончылно порым ыштет.21Нуным Тый Шке помышыштетеҥ-влакын осал шонымашышт деч аралет,йылме-влак титаклыме деч нуным саклет.22Моктымо лийже Господь,вет авырен налме олаштеТудо мылам ӧрыктарыше порылыкшым ончыктен!23А мый ӧрын-тургыжланен шоненам:«Тыйын шинча ончычет кораҥдыме улам».Но Тый мыйын кумалмем колынат,кунам мый Тыйым сӧрвален ӱжынам.24Йӧратыза Господьым, Тудын ӱшанле еҥже-влак!Вет шке ӱшанле-влакшым Господь арала,а кугешныше-шамычлан тӱргоч пӧртылта.25Лӱддымӧ да пеҥгыде лийза,Господьлан инаныше-влак чыланат!
Institute for Bible Translation, Finland