Пс29
1Давидын псаломжо. Тудым храмым уэмдымылан возымо.2Господь, Тыйым чапландарем!Тый мыйым вынем гыч луктынат,ойгемлан куанаш тушманлан пуэн отыл.3Господь Юмем! Мый Тыйым ӱжынам,да Тый мыйым паремденат.4Господь! Тый вес тӱня гыч чонем луктынат,илышем утарен коденат,да мый шӱгарыш волен омыл.5Господьлан мурыза, Тудын ӱшанле еҥже-влак,Тудын святой лӱмжым чапландарыза!6Вет Тудын шыдыже – ик татлан,а поро кумылжо – ӱмырешлан:кастене шортмаш лиеш, а эрдене куан толеш.7Сайын илыме годым мый ойленам:«Мый эре пеҥгыдын шогем».8Поро кумылетлан кӧра, Господь,мыйым курык гай чоткыдым ыштенат.Но кунам Тый мый дечем чуриет шылтенат,мый чот ӧрткенам.9Тунам, Господь, мый Тыйым ӱжынам,Господьым сӧрвален кумалынам:10«Мый колем да шӱгарыш возам гын,тидын деч могай пайда?Мокташ тӱҥалеш мо Тыйым мланде пурак?Тыйын чын улмет нерген тӱҥалеш мо ойлаш?11Мыйым кол, Господь, чамане!Господь, мылам полшо!»12Ойгырен шортмем Тый юарлымашыш савырышыч,чоштыра вургемым ӱмбачем кудашычда мыланем куаным ӱштальыч.13Мый Тыйым чарныде моктен мураш тӱҥалам.Господь, мыйын Юмем!Мый Тыйым курымеш мокташ тӱҥалам!
Institute for Bible Translation, Finland