Пс31
Давидын псаломжо. Туныктымаш.
1Поро пиалан тудо еҥ,кӧн титакшым Юмо кудалтен,кӧн языкшым леведын!2Пиалан тудо еҥ,кӧм Господь сулыкшылан ок титакле,кӧн чоныштыжо шояк уке!3Кунам мый шып лийынам,чарныде нелын кечкыжмем дечкапем ӱнарым йомдарен.4Вет йӱдшӧ-кечыже Тыйын кидет нелын киен ӱмбалнем;шокшо кеҥеж игечыште кошкымо семын пытен мыйын ӱнарем.5Но мый почым Тылат языкем,титакемым шым шылте.Мый каласышым:«Сулыкем Господьлан луктын каласем»,да сулыкем ден титакем Тый кудалтышыч.6Садлан тек кажне ӱшанле еҥтуткар годым Тылат кумалеш,тунам чот шарлыше вӱд тудын дек миен ок шу.7Мылам Тый куржын утлымо вер улат,Тый ойго дечын мыйым аралет,утарымашлан куанен кычкырлыме йӱк мыйын йыр шокта.8«Пуэм тылат ушым, могай корно дене каяш туныктем,тыйым Мый вӱден наҥгаем,кажне ошкылетым эскерем».9«Ида лий шонен моштыдымо имне ден мул гай.Колыштышт манын, шӧрмыч ден сорлыкым чиктен,нуным ӱҥышемдаш кӱлеш».10Осал еҥын ойгыжо шуко,а Господьлан инанышым Тудын порылыкшо авыра.11Чын ыштыше-влак, куаныза, йывыртыза Господьлан!Яндар шӱм-чонан-влак, кугу йӱкын куаныза чылан!Institute for Bible Translation, Finland