Пс28
Давидын псаломжо. [Тудым Омаш пайрем эртымеке мурат.]
1Чапым пуыза Господьлан, Юмын эргыже-влак,чап ден вий-куатшылан Тудым моктыза.2Господьын лӱмжым чапландарыза,сӧрал святой верыштыже Тудлан вуйдам савыза!3Господьын йӱкшӧ вӱд ӱмбалне шокта,чапланыше Юмо кӱдырта, Господь – кугу вӱд ӱмбалне!4Господьын йӱкшӧ куатле,Тудын йӱкшӧ кӱдыратле!5Господьын йӱкшӧ кедр-влакым пудырта,Ливан кедр-влакым Господь шалата.6Тудо Ливан ден Сирион курык-влакым презе семын,самырык ӱшкыж семын тӧрштылыкта.7Господьын йӱкшӧ деч тулйылме лектеда.8Тудын йӱкшӧ ир мландым чытырыкта,Кадес ир мландым Господь чытырыкта.9Кунам Господьын йӱкшӧ кӱдырта,тӱж пӱчӧ-влак презым ыштат, чодыра-влак чараҥыт.Тудын храмыштыже чылан каласат: «Чап лийже Тудлан!»10Ташлыше вӱд ӱмбалне Господь престолыштыжо шинчен,курымеш Тудо кугыжа семын шинчаш тӱҥалеш.11Господь шке калыкшылан вийым пуа,Господь, тынысым пуэн, шке калыкшым суапландара.Institute for Bible Translation, Finland