Пс102
Давидын псаломжо.
1Чонем, Господьым мокто,да уло кӧргем – Тудын святой лӱмжым!2Чонем, Господьым моктода Тудын чыла поро пашажым ит мондо.3Тудо чыла титакетым кудалта,чыла черетым паремда.4Утарен кода шӱгар деч илышетым,порылык да чаманымаш дене тыйым леведеш.5Порылыкшо дене мо кӱлешетым тема,арыслангайык семын тый угыч самырык да виян лият.6Чын улыт Господьын пашаже-влак,чыла пызырналтшылан Тудо чын судым ышта.7Тудо шке корныжым Моисейлан,шке пашажым Израиль эрге-влаклан ончыктен.8Господь – поро да чаманыше,кужун чытыше да шуко порылыкан.9Эрелан огыл Тудын титаклымыже,курымешлан огыл шыдыже.10Мыланна осал пашана почеш ыштен огыл,сулыкна почеш мыланна пӧртылтен огыл.11Вет кузе кава мланде деч кӱшнӧ,тунар кугу Господьын порылыкшоТудын деч лӱдшӧ-влак деке.12Кузе эрвел деч касвел мӱндырнӧ,тыгак мӱндыркӧ кораҥден мемнан деч сулыкнам.13Кузе ача эргыж-влакым чамана,тугак Господь Тудын деч лӱдшӧ-влакым чамана.14Вет Тудо мемнан мо гыч ышталтмынам пала,мланде пурак улмынам шарна.15Айдемын ӱмыржӧ шудо гай,олык пеледыш семын тудо пеледеш.16Ӱмбачынже мардеж эрта – тудо уке лиеш,тудын кушмо вержат тудым ок пале.17Но Господь деч лӱдшӧ-влакланТудын порылыкшо курым гыч курымыш лиеш,18нунын эргышт-влакын эргышт ӱмбалне –кӧмыт Тудын ойпидышыжым шуктен шогат,Тудын кӱштымашыже-влакым шарнат да шуктат –Господьын чынлыкше лиеш.19Господь пылпомышеш шке престолжым шынден,уло тӱня дене Тудо кугыжалана.20Те, Тудын куатан Суксыжо-влак,Тудын ойлымыжым колыштшо да мутшым шуктышо-влак,Господьым моктыза!21Те, Тудлан служитлыше,Тудын кумылжым шуктен шогышо патырже-влак,Господьым моктыза!22Господьын ыштымыже-шамыч, Тудым моктыза,чыла озаланыме верыштыже Тудым чапландарыза.Чонем, Господьым мокто!Institute for Bible Translation, Finland