Пс103
[Тӱням ыштыме нерген Давидын псаломжо.]
1Чонем, Господьым мокто!Господь, мыйын Юмем!Могай Тый кӱдыратле улат,Тый чап да кугулык дене вӱдылалтынат.2Тый волгыдым пуйто вургемым чиет,пылпомышым пуйто куэмым шарет.3Кӱшнысӧ вӱд-влак ӱмбалне илыме веретым шындет,пыл-влакым Шкаланет орвам ыштет,мардежын шулдырешыже чоҥештен коштат.4Суксет-влакым Тый шӱлышым ыштет,Тылат служитлыше-шамычым – тулйылмым.5Тый мландым шынденат чоткыдо негызеш:верже гыч ок тарване тудо курым-курымеш.6Келге вӱд-влак дене, пуйто вургем дене,тудым Тый леведынат –вӱд эсогыл курык-влакым петырен.7Тыйын шӱдымет дене вӱд-влак куржыныт,кӱдыртымӧ йӱкет деч нуно писын йогеныт.8Кӱзеныт курык ӱмбаке, лапверыш воленыт,Тыйын палемдыме верыш логалыныт.9Вӱд-влаклан Тый чекым пыштенат,тудым нуно огыт вончо,мландым леведаш огыт пӧртыл.10Памаш-влакым лапверлашке колтенат,курыкла коклаште нуно йогат.11Йӱктат памаш-влак чыла янлыкым,ир осёл-влак теммешкышт йӱыт.12Нунын воктене кавасе кайык-влак илат,укшерла кокла гыч йӱкыштым луктыт.13Шке кӱкшытет гыч курык-влакым йӱктет,Тыйын пашатын саскаже-влакым мланде теммеш кочкеш.14Тый вольыклан шудым куштет,айдемылан илаш – кушкыл-влакым,тыге Тый мланде гыч кочкышым шочыктет:15йошкар аракам – тудо айдемын шӱмжым куандара,ӱйым – тудын деч чурийже йылгыжеш,да киндым – айдеме капкыллан тудо вийым пуа.16Вӱдыжтарыме улыт Господьын пушеҥгыже-влак –Тудын шындыме Ливан кедр-влак.17Тушан кайык-шамыч пыжашым оптат,пушеҥге вуй-влак аистын илыме верже улыт,18кӱкшӧ курык-влак ирказан,курык шелше-влак даманын шылме верышт улыт.19Жапым ончыкташ ыштен Тудо тылзым,кечат шке шичме жапшым пала.20Колтет Тый пычкемышым – йӱд лиеш,да чодырасе чыла янлык лектын коштеш.21Ырлат лев-влак иктаж-мом кучаш,Юмо деч нуно кочкышым йодыт.22Кече лекмеке, пырля погынат,пурен возыт шке пыжашышкышт.23Айдеме гын пашам ышташ лектеш,кас пычкемыш марте тудо тырша.24Шотлен пытарыдыме Тыйын пашат, Господь!Чылажымат Тый мунлын ыштенат,Тыйын ыштымет дене мланде темын.25Теве пеш кугу, кумда теҥыз:тушто илыше чонан-влакым шотлен пытараш ок лий –тӱрлӧ кугу да изи янлык шолыт.26Теҥыз мучко ийын коштыт корабль-влак,Тыйын ыштыме левиафанат тушто модын коштеш.27Нуно чыланат Тыйын ӱмбакет ончат,шке жапыштыже кочкыш пуыметым вучат.28Тый пуэт – нуно налыт,чаманыде пуышо кидет дене нуным теммеш пукшет.29Шылтет чуриетым – пудыранат,шӱлышыштым налат – колат,угыч мланде пуракыш савырнат.30Шке шӱлышетым колтет – у илыш шочеш:мландын сынжым Тый уэмдет.31Чап лийже Господьлан курымеш,чыла мом ыштымыжлан Тудо тек йывырта!32Тудо мланде ӱмбак ончалеш – мланде чытырналтеш,курык-влак деке тӱкна – нуно шикшаш тӱҥалыт.33Мураш тӱҥалам Господьлан ӱмыр мучко,моктен мурем Юмемым, кунар эше илем.34Мыйын мурем Тудлан тек келшыше лиеш;Господьлан куана чонем.35Тек йомыт мландымбачын языкан-влак,осал еҥ-влак ынышт лий тетла.Чонем, Господьым мокто! Аллилуия!Institute for Bible Translation, Finland