Тун.кал3
1Эргым, мыйын туныктымем ит мондо,тек шӱмет кӱштымаш-влакем шарна:2нуно илышаш ий ден кечым ешарат,тылат тыныслыкым кондат.3Коден ынышт кай тыйым порылык ден чынлык –сакалте нуным шӱйышкет,возен шынде шӱмышкет,4тунам тый Юмын да еҥ-влакын шинчаштыштпоро кумыл ден аклымашым сулет.5Уло шӱмет дене Господьлан инане,шке ушетлан ит ӱшане.6Коштмо чыла корныштет Тудым пален шого,тунам Тудо тыйым чын корно дене наҥгая.7Ит шотло шкендым мунло еҥлан,Господь деч лӱд, осал деч кошт кораҥын –8тиде капетлан тазалыкым конда,чыла луэтым пеҥгыдемда.9Господьым шотлен, пуэн шого Тудлан мо улет гыч,чыла лектышетын икымше саскаж гыч –10тунам клат-влакет тич темыме лийыт,виноградым темдыме верет саска вӱд дене темеш.11Эргым, Господьын тӧрлымыжым кӱлдымыш ит лук,Тудын шылталымыж деч тупынь ит савырне.12Вет кузе ача шке эргыжым мут кучаш шогалта,тугак Господь, кӧм йӧрата, тудым наказатла.13Пиалан тудо еҥ, кӧ мунлылыкым кычал муын,кӧ пален налын уш-акылым.14Вет мунлылык ший деч сайрак,тудын деч пайда шӧртньӧ деч кугурак,15тудо шергакан кӱ деч шергырак.[Нимогай осал тудын ваштареш шоген ок керт,тудын дек чак лийше-влаклан мунлылык сайын палыме.]Налаш шонымет гыч нимом тудын дене от таҥастаре.16Кужу ӱмыр – тудын пурла кидыштыже,а шолаштыже – поянлык ден чап,[тудын умшаж гыч лектеш чынлык,йылмыштыже – закон ден порылык].17Тудын корныжо-влак сӧрал,чыла йолгорныжо лӱдыкшӧ деч посна улыт.18Мунлылыкым пеҥгыдын кучышылан тудо илыш пушеҥге лиеш,да пиалан улыт нуно, кӧмыт тудым огыт колто!19Мунлылык дене Господь мландым негызлен,уш-акыл дене кавам пеҥгыдемден,20Тудын шинчымашыж дене вӱд келгыт-влак почылтынытда пыл-влак лупсым йоктарат.21Эргым, яндар уш ден шонен моштымашым арале,нуным шинча ончычет ит йомдаре –22нуно чонетлан илышым пуат,шӱетлан лийыт сӧрастарыш.23Тунам шке корнет дене лӱдде кает,да ок шӱртньӧ тыйын йолет.24Лӱдде малаш тый возат,тамле омо дене малет.25От лӱд тый вучыдымо азап деч,осал-влакым пытарыше туткар деч,26вет Господь лиеш тыйын ӱшанет,Тудо арален кода оптыш деч йолет.27Кӧлан полыш кӱлеш, тудлан полшыде ит код,кунам тыйын кидет тидым ыштен кертеш.28Вес еҥлан мом пуаш тыйын уло гын, ит ойло:«Кай да угыч тол, тылат эрла пуэм».[Вет мом эрласе кече конда, тый от пале.]29Осалым ышташ ит шоно лишылъеҥетлан,кудыжо тыйын воктенет лӱдде ила.30Вес еҥ тылат осалым ыштен огыл гын,амал деч посна тудын дене ит ӱчаше.31Весым темден илыше еҥлан ит кӧране,тудын ик корныжымат ойырен ит нал,32вет осал чоя айдеме Господьлан йырнык,а чын ыштыше еҥ дек Тудо лишыл лиеш.33Осал еҥын пӧртшӧ ӱмбак Господь каргымашым колта,а чын ыштышын илемжым Тудо суапландара.34Мыскылен ойлышо-влакым Тудо воштылеш,а ӱҥышӧ-влаклан порылыкым ончыкта.35Мунло-влак чапыште лийыт,а ушдымо-шамыч намысыш пурат.
Institute for Bible Translation, Finland