Тун.кал4
1Колыштса, йоча-влак, ачан каҥашыжым –тӱткын колыштса, погыза уш-акылым.2Вет мый тыланда поро каҥашым пуэм,туныктымем деч ида кораҥ.3Мыят ачамын лийынам вет эргыже,авамын шыман йӧратыме ик эргыже.4Ачам, мыйым туныктен, тыге ойлен:«Шӱмыштет мутем-влакым арале,шуктен шого сугынем – тунам илаш тӱҥалат.5Кычал му тый мунлылыкым, уш-акылым пого:ит мондо нине шомакем, нунын дечын ит кораҥ.6Коден ит кай мунлылыкым – тудо тыйым арала,йӧрате тудым – тудо тыйым перега.7Эн тӱҥ – тиде мунлылык,сандене тудым кычал му,чыла деч чот уш-акылым пого.8Кугун акле мунлылыкым – тудо тыйым кӱш нӧлталеш,ӧндал кучет гын тудым, чапыште лият.9Тудо вуйышкет сӧрал вуйшӱдышым пышта,чапле вуйпидышым тылат конда».10Колышт, эргым, да шотыш нал мутемым –илышаш кечет-влак ешаралтыт тунам.11Тылат мый мунлылык корным ончыктем,чын йолгорно дене тыйым наҥгаем.12Кунам кает, ок лий корныштет чарак,куржат гынат, от шӱртньӧ.13Пеҥгыдын кучо тиде туныктымашым,тудын деч ит кораҥ, чот арале,вет тудо – тыйын илышет.14Ит шогал йӧрдымӧ-влакын йолгорнышкышт,осал-шамычын корныштым ит тошко –15кай тушеч, тудын дене ит кошт,кораҥ тушеч, эртен кай воктечын.16Нуно осалым огыт ыште гын, мален огыт колто,нигӧм огыт шӱртньыктӧ гын, омышт йомеш.17Осал паша – теве нунын киндышт,весым темден илымаш – йошкар аракашт.18Чын ыштыше-влакын корнышт – ӱжаран волгыдыж гай,кечывал жаплан тудо эшеат волгыдемеш.19А осал-влакын корнышт – тӱп пычкемыш:огыт пале, кушан нуно шӱртнят.20Эргым, мутем-влакым тӱткын колышт,мом ойлымем дек пылышетым савыре.21Шинча ончычет нуным ит йомдаре,кажныжым шӱмыштет арале,22вет нуным мушо еҥлан нуно илыш улыт,тазалыкым кондат уло капшылан.23Эн чот шке шӱметым арале,вет тудо илышетым виктарен шога.24Умшат гыч шояк мутым кораҥде,йылметым ондалымаш дечын кучо.25Шинчат онча тек туран,ончалтышет виктаралтше ончыко.26Могай корно дене каяш – сайын шоналте,тек йолет тура корно дене ошкылеш.27Ит кораҥ тушеч пурлашкат, шолашкат,осал корно дечын кошт кораҥын.28[Вет чын корным Господь эскера,а шолагай корно-влак улыт пужлышо.29Йолгорнетым Тудо турам ышта,корнетым тыныслыкыш виктара.]
Institute for Bible Translation, Finland