Тун.кал2
1Эргым, мыйын мутем шотыш налатда кӱштымем шӱмышкет пыштет гын,2шке пылышетым мунлылык дек савыретда шӱметым умылен моштымашлан почат гын,3шинчымашым ӱжаш да умылымаш деке кугу йӱкын кычкыраш,4тудым ший семын муаш тыршаш,шылтыме поянлык семын кычалаш тӱҥалат гын,5мо тыгай Господь деч лӱдмаш – умылет,Юмым палымашым муат.6Вет Господь мунлылыкым пуа,Тудын умшаж гыч лектыт шинчымаш ден умылымаш.7Чын ыштыше-влаклан Тудо ямдылен сеҥымашым,титакыш пурыде илыше-влаклан Тудо – аралтыш.8Чынлыкын корныжым Господь арала,Тудлан ӱшанле-влакын йолгорныштым сакла.9Тунам тый пален налат –мо тыгай чын ыштымаш да чынлык, тура да чын корно.10Шӱмышкет мунлылык пура,чонетлан шинчымаш куаным конда.11Шонен моштымаш тыйым аралаш тӱҥалеш,умылен моштымаш тыйым сакла.12Утарен кодат нуно тыйым осал корно дечын,ондален ойлышо еҥ-влак дечын –13нунышт тура корным коденыт,пычкемыш корным ойыреныт,14осал пашаштлан йывыртат,чыла тӱрлӧ пужлымашлан куанат.15Нунын корнышт кадыр,тушто нуно йомын коштыт.16Тыге тый аралалт кодат еҥ вате деч,ӱедылше шомакым ойлышо вес ӱдырамаш деч –17самырык годсо пелашыжым тудо кудалтен каен,Юмыж ончылно ыштыме ойпидышым монден.18Тудын пӧртшӧ – колымаш капка,вес тӱнясе пычкемышыш корныжо наҥгая.19Кӧ тудын дек пура, нигӧ огеш лек,илыш корныш тетла ок шогал.20Сандене кошт сай еҥ-влакын корнышт дене,чын ыштыше-влакын йолгорнышт гыч ит кораҥ,21вет чын ыштыше-шамыч илаш тӱҥалыт мландымбалне,ару шӱм-чонан-влак кодыт тушан.22А осалым ыштыше-шамыч лийыт мландымбач пытарыме,ӱшанле огыл-влак – тушеч ӱштыл шуымо.
Institute for Bible Translation, Finland