Тун.кал17
1Пайрем чесан да вурседылмашан пӧртыштӧ лиймешке,кукшо кинде катышым тыныслын кочкаш сайрак.2Ушан тарзе шке озажын шотдымо эргыжым виктараш тӱҥалешда тудын иза-шольыж-влак дене пырля югыпогым налеш.3Левыктыме вер – шийлан, коҥга – шӧртньылан,а шӱм-чоным Господь терга.4Осал еҥ колыштеш осал шомакым,шояче – аяр йылмым.5Кӧ йорло еҥым шыгыремда, тудым ыштыше Юмым мыскыла,кӧ еҥын ойгыжлан куана – мут кучыде ок код,[а весым чаманыше лиеш серлагыме].6Шоҥгыеҥ-влакын вуйшӱдышышт – нунын уныкашт,йоча-влакын чапышт – ача-авашт.[Ӱшанле еҥын поянлыкше шуко,а кӧ ӱшанле огыл, тудын ик ыржат уке.]7Келшен ок тол ушдымо еҥлан чапле шомак,пагалыме еҥлан – шояк мут.8Айдемын пуымо взяткыже тудлан юзо кӱ гай:кеч-кушко кая – тудын чылажат ворана.9Кӧ ӧпкем кудалта – кычалеш йӧратымашым,но кӧ тудым шарныкта – йомдара йолташым.10Шылтален ойлымо мут ушан еҥым туныкта,а ушдымылан шӱдӧ гана перымат ок полшо.11Осал еҥ кычалеш лач пудыранчыкым,сандене чаманыдыме уверзе ваштарешыже колтымо лиеш.12Ушдымо еҥым да тудын окмаклыкшым вашлиймешке,лучо игыжым йомдарыше ава маскам вашлияш.13Кӧ порылан осал дене пӧртылта,осал тудын пӧртшӧ деч огеш кораҥ.14Вурседылмашын тӱҥалтышыже пӱян урылтмыж дене иктак,сандене шып лий, тек вурседылмаш умбакыже ок шарле.15Титаканым чыныш лукшо да чын ыштышым титаклыше –коктынат Господьлан йырнык улыт.16Ушдымо еҥлан окса деч могай пайда?Мунлылыкым налаш тудын ушыжо ок сите.[Кӧ шке пӧртшым кӱкшым ышта – сӱмырлымашым кычалеш,а кӧ тунемме деч кораҥеш – азапыш логалеш.]17Йолташ чыла годымат йӧрата,ойгым пайлаш иза-шольо шочын.18Лач ушдымо еҥ шке кидшым пуада лишылъеҥжын парымже верч мутым кучаш сӧра.19Вурседылаш йӧратыше айдеме сулыкым йӧрата,а кӱкшӧ мотор капкам чоҥышо еҥ пытымашым кычалеш.20Осал чоя еҥ сайым ок уж,шояк йылме ойгыш логалеш.21Кӧ ушдымо йочам ыштен, тудым ойго вуча,окмак эргын ачаже куаным ок уж.22Весела шӱм-чон – эн сай эм,а ойган чон-шӱлыш лулегым кошта.23Осал еҥ, чынле судым пужаш манын,помыш гыч лукмо пӧлекым налеш.24Ушанын ончалтышыже мунлылык дек савырыме,а ушдымын шинчаже мланде тӱрыштӧ йомын коштеш.25Ушдымо эрге – ачажлан ойго,аважлан тудо чон орлыкым конда.26Сай огыл титакдыме еҥлан штрафым тӱлыкташале пагалыме еҥым чын улмыжлан кыраш.27Ушан-шотан еҥ шке мутшым арам ок кышке,шонен моштышо айдеме шкенжым кучен мошта.28Окмак еҥат, кунам тудо шып, койын кертеш мунло еҥла,кунам умшажым петыра – чучеш ушанла.
Institute for Bible Translation, Finland