Тун.кал16
1Айдеме тидым-тудым ышташ шона,но пытартыш шомак – Господь дечын.2Коштмо чыла корныжым айдеме чынлан шотла,но шӱм-чон шонымашым Господь терга.3Шке пашатым Господьлан ӱшане,мом шонен пыштымет тунам шукталтеш.4Чылажымат Господь шке шонымыжым шукташ ыштен,эсогыл осал еҥым азап кечылан ыштен.5Йырнык улыт Господь ончылно кугешныше шӱман-влак,пален шого: тыгай-влак мут кучыде огыт код.[Сай корнылан тӱҥалтыш – чыным ыштымаш.Юмын шинча ончылныжо тиде надырым кондымаш деч сайрак.Господьым кычалше еҥ шинчымаш ден чынлыкым муэш,Тудым уло чон дене кычалше-влак тынысым муыт.]6Порылык да ӱшанле лиймаш сулыкым касарат,Господь деч лӱдмаш осал деч кораҥда.7Кӧн коштмо корныжо Тудлан келша,Господь ты айдемын тушманжымат тудын дене сӧрасыкта.8Чын ыштен налме изи парышчын огыл ыштен налме кугу парыш деч сайрак.9Могай корно дене каяш – айдеме шке шона,но тудын ошкылжым Господь виктара.10Кугыжан умшаштыже – Юмын пуымо шомакше,судышто тудо чын пунчалым луктеш.11Чын виса ден пезмен Господьын улыт,купеч сумкасе кир-влакат Тудын улыт.12Осал паша кугыжалан йырнык,вет чын ыштыме дене престол пеҥгыдын шога.13Чынле умша кугыжалан келша,чыным ойлышым тудо йӧрата.14Кугыжан шыдыже колымаш нерген увертара,но мунло айдеме тудым лыпландара.15Кугыжан волгыдо чурийже илышым конда,тудын поро кумылжо – пуйто шошо йӱрым кондышо пыл.16Мунлылыкым мумаш шӧртньӧ деч сайрак,уш-акылым погымаш яндар ший деч шергырак.17Чын ыштыше-влакын корнышт осал деч кораҥеш,кӧ шке корныжым эскера – чонжым арален кода.18Сӱмырлымӧ деч ончыч толеш кугешнымаш,камвочмо деч ончыч – шкем кӱшкӧ шындымаш.19Руалтен налме погым кугешныше-влак дене пайлымешке,лучо йорло-шамыч коклаште ӱҥышын илаш.20Кӧ пашам шонен виктара, тудын чылажат ворана,кӧ Господьлан инанен ила, тудо пиалан.21Мунло шӱман еҥым ушан манын лӱмдат,а тыматлын ойлымаш шинчымашым ешара.22Кӧн уш-акылже уло, тудлан тиде – илыш памаш,а ушдымо-влакым шке окмаклыкышт чуриктара.23Мунло еҥын шӱмжӧ ышта йылмыжым ушанымда умшаштыже шинчымашым шукемда.24Лыжга шомак – караш мӱй дене иктак:чонлан ласка, каплан – эм.25Айдеме шке корныжым чынлан шотла,но мучаште тудыжо колымашке шукта.26Кочмо шумаш айдемым пашам ыштыкта,шужышо мӱшкыржӧ тудым покта.27Йӧрдымӧ айдеме ышташ шона осалым,йылмыштыже – пуйто когартыше тул.28Осал чоя айдеме келшыдымашым ӱда,манеш-манешым шаркалыше еҥ йолташ-влакым ойыра.29Вуянче еҥ лишылъеҥжым алгаштара,тудым уда корныш наҥгая.30Кӧ шинчажым пӱялеш – ондалаш шона,кӧ пӱйым пуреш – осалым ышта,[тудо – осаллык дене темше коҥга].31Чал ӱп – чапын вуйшӱдышыжӧ,чын корно дене коштмо деч тудо лиеш.32Шуко чытышан айдеме патыр еҥ деч сайрак,шкем кучен моштышо еҥ олам сеҥен налше деч сайрак.33Кудалтат шеревам вургем урвалтеш,но вашмут – Господь дечын.
Institute for Bible Translation, Finland