Тун.кал18
1Моло деч ойыралт илыше еҥ шке кумыл шупшмыжо почеш ышта,ушан каҥашым кӱлдымыш луктеш.2Умылен моштымаш ушдымо еҥлан куаным ок кондо,тудо шке шонымыжым веле ойлаш йӧрата.3Осал еҥ дене пырля шотлыдымаш толеш,а намыс дене пырля – мыскылалтмаш.4Айдемын мутшо – келге вӱд,мунлылык памаш – йоргыктышо вӱдйогын.5Сай огыл пыдал налаш осал еҥымда чын ыштышым чынле суд деч посна кодаш.6Ушдымын йылмыже вурседылмашым конда,шомакше кыралтмашке шукта.7Ушдымын умшаже – тудлан пытымаш,йылмыже – чонжылан вапш.8[Йолагай еҥым лӱдмаш сеҥа,ӱдырамаш гай пӧръеҥ-влак шужен шинчат.]9Манеш-манешым шаркалышын мутшо – пуйто томсык, мӱшкыр кӧргыш тудо куштылгын пура.10Йолагай пашазе – шалатен пытарышын шольыжо.11Господьын лӱмжӧ – чоткыдо башне:чын ыштыше тушко куржын утла.12Поян еҥ шке погыжым чоткыдемдыме олалан шотла,кӱкшӧ пырдыж семын тудым ужеш.13Камвочмо деч ончыч айдемын шӱмжӧ кугешнымаш дене темеш,а чап деч ончыч ӱҥышылык толеш.14Колышт пытарыде вашмутым пуышо еҥ – ушдымо,ончылно тудым намыс вуча.15Чон-шӱлышыжӧ виян гын, айдеме черым сеҥа,а ойгаҥше гын, кузе тудо чытен кертеш?16Ушан еҥын шӱмжӧ пога шинчымашым,мунло еҥын пылышыже тудым кычалеш.17Айдемын пуымо пӧлекше тудлан корным почеш,тӧра-влак декат намиен шукта.18Кӧ судышто икымше каласкала – мутшо чынла чучеш,но ваштареш шогышо еҥ толеш да тудым терга.19Шерева ӱчашымашлан мучашым пыштада виян-влак коклам тӧрла.20Ӧпкелалтше иза – чоткыдемдыме ола гай,а вурседылмаш – карманын капка тӱкылтышыж дене иктак.21Кутырен моштымыж дене айдеме мӱшкыржым тема,умшаж гыч лекше мут дене тудо шкенжым пукша.22Илымаш ден колымаш – йылмын кидыштыже,ойлаш йӧратыше-влак шке шомакышт деч саскам погат.23Кӧ [сай] ватым муын – суапым муында Господьын поро кумылжым сулен.[Кӧ сай ватым поктен колта – пиалым поктен колта,а кӧ яжар ӱдырамашым ашна – ушдымо да Юмым шотлыдымо.]24Йорло еҥ сӧрвален ойла,а поян торжан вашешта.25Улыт йолташ-влак, кудышт йолташла койыт гына,но южо йолташыже иза-шольо деч лишылрак.
Institute for Bible Translation, Finland