Лев6
1Господь Моисейлан каласен:2«Теве тыге иктаж-кӧ Господь ончылно сулыкыш пурен кертеш: лишылъеҥже деч иктаж-мом аралаш налмыж але арымеш налмыж нерген ”налын омыл” манын ойла, иктаж-мом шолыштеш але ондален налеш,3иктаж-мом йомдарымым муэш да тидын нерген ок каласе, еҥ-влакын ыштен кертме иктаж сулыкым ышта да ”тидым ыштен омыл” манын товатла.4Тыге тиде еҥ сулыкыш пура да титакан лиеш гын, тек мом шолыштмыжым але шупшын налмыжым, аралаш пуымым але йомдарымым мумыжым пӧртылта –5мо шотышто шоякын товатлен, тек тудым мӧҥгеш пуа, эҥгекым кондымыжлан пӱтынек пӧртылта да тышке эше ик визымше ужашым ешара. Титак верч надырым кондымо кечын тек тудо чыла тидым озажлан пуа.6Шке титакшылан тек иерей деке титак верч надырым – шорык кӱтӱ гыч палемдыме акым шогышо экшыкдыме тагам – Господьлан пуаш конда.7Иерей Господь ончылно ты еҥ дене касарыме йӱлам шукта, тунам тудын ыштыме титакше кудалтыме лиеш».8Господь Моисейлан каласен:9«Аарон ден тудын эргыж-влаклан каласе: теве йӱлалтен пуымо нерген закон. Йӱлалтен пуымо надыр жертвенник ӱмбалне, йӱлалтыме верыштыжак, йӱдвошт эр марте кодшо, а жертвенникысе тул тек йӱлен шинча [да ок йӧрӧ].10Тек иерей шке йытын чиемже ден йымал вургемжым чия, жертвенникыште йӱлалтен пуымо надыр деч кодшо ломыжым налеш да жертвенник воктеке пышта.11Вара тиде вургемжым кудашеш, вес вургемым чия да ломыжым стан деч ӧрдыжкӧ ару верыш луктеш.12А жертвенникыште тул тек йӱла да ок йӧрӧ. Тек иерей кажне эрдене тушко пум оптен шога, пу ӱмбалан йӱлалтен пуышашым пышта, тушанак татулык надыр коям йӱлалтен тӱргыкта.13Тек жертвенникыште тул чарныде йӱла да ок йӧрӧ.14Теве кинде надыр шотышто закон. Ааронын [иерей] эргыж-влак тудым Господь ончыко жертвенник деке кондышаш улыт.15Тек [иерей] кинде надыр гыч кормыж тич олив ӱй дене йӧрымӧ эн сай ложашым, надыр ӱмбалне улшо чыла ладыным налеш да тидым жертвенник ӱмбалан шарныктыше ужаш семын йӱлалтен тӱтыра. Тиде Господьлан келшыше тамлыпушан надыр лиеш.16А мо кодшыжым тек Аарон ден эргыж-влак кочкыт. Шергиндым ыштен, тудым нуно святой верыште, Юмо дене вашлийме омаш кудывечыште, кочшаш улыт.17Тудым ру деч посна кӱэштман. Мыланем кондымо надыр гыч тиде ужашым Мый иерей-влаклан пуэм. Сулык верч да титак верч кондымо надыр-влак семынак тиде поснак святойлан шотлалтеш.18Аарон тукымын чыла эрге йоча ден пӧръеҥже тиде надырым кочкын кертыт. Господьлан пуымо надыр гыч тиде курымешлан, тукым гыч тукымыш, нунылан пуымо ужаш лиеш. Тудын деке мо тӱкна – чылажат святой лиеш».19Господь Моисейлан каласен:20«Аарон ден тудын эргыж-влак, нуным шӱрен палемдыме кече гыч тӱҥалын, Господьлан эре пуэн шогымо кинде надыр шотеш ефан ик луымшо ужашыже эн сай ложашым кондышаш улыт: пелыжым – эрдене, пелыжым – кастене.21Тудым калай ӱмбалан олив ӱй дене ямдылыман. Кӱэштме кинде надырым олив ӱй дене йыген, каткален кондыман. Тиде Господьлан келшыше тамлыпушан надыр лиеш. 22Тиде кинде надырым Аарон тукым эрге кокла гыч Аарон олмеш шӱрен палемдыме иерей кондышаш: тиде – Господьын курым-курымешлан шуктен шогышаш законжо. Тиде надыр пӱтынек йӱлалтыме лийшаш.23Иерейын кондымо кеч-могай кинде надырже пӱтынек йӱлалтыме лийже, тудым кочман огыл».24Господь Моисейлан каласен:25«Аарон ден эргыж-влаклан ойло: теве сулык верч кондымо надыр шотышто закон. Сулык верч надыр вольыкым Господь ончылно йӱлалтен пуымо вольыкым шӱшкылмӧ верешак шӱшкылман. Тудо поснак святойлан шотлалтеш.26Тиде вольык шылым сулык верч надырым кондышо иерей кочшаш. Тудым святой верыште, Юмо дене вашлийме омаш кудывечыште, кочман.27Тиде шыл деке мо тӱкна – чылажат святой лиеш. Тудын вӱржӧ вургемыш шыжалтеш гын, шыжалтмым святой верыште мушман.28Шылым шолтымо шун атым шалаташ кӱлеш. Той атеш шолтымо гын, атым эрыктыман да вӱд дене мушман.29Иерей тукымысо чыла пӧръеҥ тиде шылым кочкын кертеш. Тудо [Господь ончылно] поснак святойлан шотлалтеш.30А сулык верч кондымо надыр вольыкын шылжым, кудын вӱржым касарыме йӱлам шукташлан Юмо дене вашлийме омашыш пуртат, кочкаш ок лий. Тиде шылым йӱлалташ кӱлеш.
Institute for Bible Translation, Finland