Лев12
1Господь Моисейлан каласен:2«Израиль калыклан ойло: ӱдырамаш нелемеш да эрге азам ышта гын, тылзашыже годымсо семынак, шым кече ару огыл лиеш.3Кандашымше кечын эрге азан тарман мучашысе коваштыжым пӱчман.4Ӱдырамаш, вӱржӧ йогымо деч эрналтын, кумло кум кече вучышаш. Эрналтме кечыла эртымешке, тудо нимо святой дек тӱкнышаш огыл, святой верышкат мийышаш огыл.5Ӱдырамаш ӱдыр азам ышта гын, тылзашыже годымсо семынак, кок арня ару огыл лиеш. Тидын деч вара, вӱржӧ йогымо деч эрналтын, тудо кудло куд кече вучышаш.6Эргыже але ӱдыржӧ верч эрналтме кечыла эртымеке, тудо Юмо дене вашлийме омашыш пурымо вер деке йӱлалтен пуымо надыр шотеш икияш пачам да сулык верч надыр шотеш самырык кӧгӧрченым але кедым иерейлан кондышаш.7Тек иерей нуным Господь ончылно надырлан конда да ӱдырамаш дене эрныктыме йӱлам шукта. Тыге тудыжо вӱр йогымо деч эрна да ару лиеш. Эрге але ӱдыр азам ыштыше ӱдырамаш шотышто теве тыгай закон.8А ӱдырамаш пачам пуэн ок керт гын, тек кок кедым але кок самырык кӧгӧрченым конда: иктыжым – йӱлалтен пуаш, весыжым – сулык верч надырлан. Тыге иерей ӱдырамаш дене эрныктыме йӱлам шукта, да тудыжо ару лиеш».
Institute for Bible Translation, Finland