Лев11
1Господь Моисей ден Ааронлан каласен:2«Израиль калыклан ойлыза: мланде ӱмбалне илыше чыла вольык ден янлык кокла гыч тыланда теве могайым кочкаш лиеш.3Кеч-могай вольык ден янлык, кудын кӱчшӧ кокыте ойырлышо, а кӱчшӧ коклаште келге шелше уло, да тудо йоҥыжа – тыгайым кочса.4Йоҥыжышо але кокыте ойырлышо кӱчан вольык-янлык коклаште ниным ида коч: верблюдым – тудо йоҥыжа гынат, кӱчшӧ кокыте ойырлышо огыл, тыланда тудо ару огыл.5Тыгак даманым ида коч – тудо йоҥыжа гынат, кӱчшӧ кокыте ойырлышо огыл, тыланда тудо ару огыл.6Мераҥым ида коч – тудо йоҥыжа гынат, кӱчшӧ кокыте ойырлышо огыл, тыланда тудо ару огыл.7Тыгак сӧснам ида коч – кӱчшӧ кокыте ойырлышо да кӱчшӧ коклаште келге шелше уло гынат, тудо ок йоҥыжо. Тудо тыланда ару огыл.8Нине вольык-янлыкын шылыштым ида коч, колышо капыштымат ида тӱкӧ – нуно тыланда ару огытыл.9Вӱдыштӧ илыше чыла чонан гыч тугайым кочса, кудын шулдыржо да колшӱмжӧ уло. Нуно кеч теҥызысе але эҥерысе лийышт, тыгайым кочкаш лиеш.10А теҥызыште але эҥерыште ийын коштшо да вӱдыштӧ илыше кокла гыч кудын шулдырышт да колшӱмышт уке, нуно тыланда йырнык улыт.11Нунын шылыштым ида коч, колышо капышт деч йырныза. Нуно тыланда йырнык улыт.12Вӱдыштӧ илыше шулдырдымо да колшӱмдымӧ чыла чонан-влак тыланда йырнык улыт.13Тыгай кайык-влак деч йырныза, [нуным кочкаш ок лий, нуно йырнык улыт]: тиде – арыслан, гриф, теҥыз куткыж,14колегуш, чыла тӱрлӧ тӱлеген, 15чыла тӱрлӧ шем курныж,16страус, тумна, колшыре, чыла тӱрлӧ вараш,17ӱҥгӧ, баклан, ибис,18изи тумна, пеликан, пӱркыт,19аист, чыла тӱрлӧ чарлаҥге, тӧтыреткайык да водывычыраҥге.20Тыгак шулдыран, ныл йолан чыла тыгыде чонан-влак тыланда йырнык улыт.21Но те шулдыран, ныл йолан тыгыде чонан-влак кокла гыч нуным кочкын кертыда, кудыштын мландымбалне тӧрштыл кошташ йолвургышт уло.22Нунын кокла гыч те шурнышырчыкым, мӧртагам, шудышырчыкым кочкын кертыда.23А шулдыран, ныл йолан моло тыгыде чонан-влак тыланда йырнык улыт.24А теве нине вольык-янлыклан кӧра те ару огыл лийыда. Кӧ нунын колышо капышт дек тӱкна, кас марте ару огыл лиеш.25Кӧ нунын колышо капыштым кидышкыже налеш, шке вургемжым мушшаш: тудо кас марте ару огыл лиеш.26Кеч-могай вольык, кудын кӱчшӧ кокыте ойырлышо, но шелшыже келге огыл але тудо ок йоҥыжо – тыланда ару огыл. Тыгай вольык дек тӱкнышӧ кажне еҥ [кас марте] ару огыл лиеш.27Ныл йолан янлык кокла гыч копа дене коштшо-влак тыланда ару огытыл. Кӧ нунын колышо капышт деке тӱкна гын, кас марте ару огыл лиеш.28Кӧ нунын колышо капыштым кидышкыже налеш гын, шке вургемжым мушшаш: тудо кас марте ару огыл лиеш. Нуно тыланда ару огытыл.29Мланде мучко коштшо тыгыде чонан-влак кокла гыч тыланда теве нине ару огытыл: шурган, коля, чыла тӱрлӧ шыҥшале,30геккон, варан, тойшыҥшале, сцинк да хамелеон.31Чыла тыгыде чонан гыч тыланда нине ару огытыл. Нунын колышо капышт дек тӱкнышӧ кажне еҥ кас марте ару огыл лиеш.32Нинын кокла гыч иктаж-кудыжо кола да пашалан кучылтмо иктаж-могай ӱзгар ӱмбак камвозеш гын – тудыжо кеч пу, куэм, коваште але чоштыра вынер гыч ыштыме лийже – тудым ару огылым ышта. Тиде ӱзгарым вӱдыш пышташ кӱлеш. Кас марте тудо ару огыл, вара гына ару лиеш.33Нине тыгыде чонан кокла гыч иктаж-кудыжо шун атыш пуреҥгая гын, тушто мо уло – ару огыл лиеш. Атым шалаташ кӱлеш.34Тыгай атысе вӱд иктаж кочкыш ӱмбак логалеш гын, тиде кочкыш [тыланда] ару огыл лиеш. Кеч-могай йӱышат тыгай атыште ару огыл лиеш.35Чылажат, мо ӱмбаке нунын колышо капыштын иктаж ужашыже камвозеш – ару огыл лиеш. Тыгай годым коҥга ден возакымат шалатыман: нуно ару огытыл. Нуно тыланда ару огыл лийшаш улыт.36Лач памаш ден таве гына, кушто вӱд уло – ару кодыт. Но кӧ тушко камвочшо колышо кап деке тӱкна – ару огыл лиеш.37Колышо капын иктаж ужашыше ӱдышаш нӧшмӧ ӱмбаке камвозеш гын, тиде нӧшмӧ ару кодеш.38Но тудо лӧчыктарыме нӧшмӧ ӱмбаке камвозеш гын, тыгай нӧшмӧ тыланда ару огыл лиеш.39Тыланда кочкаш лийме иктаж вольык але янлык кола гын, тудын колышо капше деке тӱкнышӧ еҥ кас марте ару огыл лиеш.40Кӧ тудын шылжым кочкеш – шке вургемжым мушшаш, тиде еҥ кас марте ару огыл лиеш. Тыгай колышо капым нумал кайыше еҥат шке вургемжым мушшаш, тудат кас марте ару огыл лиеш.41Мланде мучко коштшо тыгыде чонан-влак тыланда йырнык улыт, нуным кочкаш ок лий.42Тиде нушкын коштшо, нылйола коштшо але шуко йолан лийже, тыгайым ида коч – нуно йырнык улыт.43Нимогай тыгыде чонан дене шкендам ида амырте. Нунылан верч шкендам ару огылым ида ыште.44Вет Мый Господь, тендан Юмыда улам. Шкендан святой да ару улмыдам аралыза – вет Мый, [тендан Господь Юмыда,] святой улам. Мланде мучко коштшо нимогай тыгыде чонан дене шкендам ида амырте.45Мый Господь улам. Тендан Юмыда улмем ончыкташ манын, Мый тендам Египет мланде гыч луктынам. Мый святой улам, сандене теат святой лийза.46Вольык-янлык, кайык, вӱдыштӧ илыше да мланде мучко коштшо тыгыде чонан-влак шотышто теве тыгай закон.47Тудо тыланда ару огылым ару деч, кочкаш йӧрышӧ чыла чонаным кочкаш лийдыме деч ойырен мошташ пуалтын».
Institute for Bible Translation, Finland