Нав21
1Левий тукымысо урлыквуй-влак иерей Елеазар, Нав эрге Иисус да Израильын моло тукымысо урлыквуй-влак деке толыныт2да Силомышто, Ханаан мландыште, нунылан каласеныт: «Господь Моисей гоч мыланна илаш ола-влакым да вольыкланна кӱтымӧ верлам пуаш кӱштен».3Господьын кӱштымыж семынак, израиль эрге-влак шке мландышт гыч левит-шамычлан теве тыгай олала ден кӱтымӧ верлам пуэныт.4Икымше шерева Кааф урлык эрге-влаклан лектын. Иерей Аарон урлыкысо левит-влаклан шерева почеш Иуда, Симеон да Вениамин тукым-влак деч латкум ола логалын.5Кааф урлыкысо моло эргылан шерева почеш Ефрем ден Дан тукым-влак деч да Манассийын пел тукымжо деч лу ола логалын.6Гирсон урлыклан Иссахар, Асир да Неффалим тукым-влак деч да Васаныште Манассийын пел тукымжо деч шерева почеш латкум ола логалын.7Мерари урлыкысо еш-влак Рувим, Гад, Завулон тукым-влак деч чылаже латкок олам налыныт.8Господьын Моисей гоч ойлымыж семынак, израиль эрге-влак нине ола ден кӱтымӧ верым левит-шамычлан шерева почеш пуэныт.9Иуда ден Симеон тукым-влак деч, [тыгак Вениамин тукым деч] теве тыгай лӱман ола-влакым пуэныт.10Кааф урлыкысо левит-влак, Аарон эрге-шамыч, шерева почеш икымше лийыныт.11Нунылан Иуда курыкласе Кириаф-Арбам, вес семынже Хевроным – Арба Енак тукымын ачаже лийын – да тудын йыр улшо кӱтӱлык верлам пуэныт.12А ола йыр улшо нур ден ял-влакым Халевлан, Иефонний эргылан, пуэныт.13Тыгеракын, иерей Ааронын эргыж-влаклан Хевроным – пуштшо еҥлан тудо куржын утлымо ола лийын – да тудын йыр улшо кӱтӱлык верлам, тыгак Ливнам,14Иаттирым, Ештемом,15Холоным, Давирым,16Аиным, Юттам, Вефсамисым да нунын йыр улшо кӱтӱлык верлам пуэныт. Иуда ден Симеон тукым-влак чылаже индеш олам пуэныт.17Тыгак Вениамин тукым деч Гаваоным, Гевам,18Анафофым, Алмоным, нунын йыр улшо кӱтӱлык верлам пуэныт – чылаже ныл ола.19Тыгеракын, Аарон эрге иерей-влаклан чылаже латкум олам да нунын йыр улшо кӱтӱлык верлам пуэныт.20Кааф урлыкысо моло левит-влаклан шерева почеш Ефрем тукым деч тыгай ола-влак логалыныт.21Нунылан Ефрем курыкласе Сихемым – пуштшо еҥлан тудо куржын утлымо ола лийын – да йырже улшо кӱтӱлык верлам, тыгак Газерым,22Кивцаимым, Беф-Ороным да нунын йыр улшо кӱтӱлык верлам пуэныт. Чылаже – ныл ола.23Дан тукым деч нунылан Елтекем, Гавафоным,24Аиалоным, Гаф-Риммоным да нунын йыр улшо кӱтӱлык верлам пуэныт. Чылаже – ныл ола.25Манассийын пел тукымжо деч Фаанахым да Гаф-Риммоным, йырышт улшо кӱтӱлык верлам налыныт. Чылаже – кок ола.26Тыгеракын, Кааф урлыкысо моло левит-влаклан чылаже лу олам да нунын йыр улшо кӱтӱлык верлам пуэныт.27Гирсон урлык левит-влаклан Манассийын пел тукымжо деч Васанысе Голаным – пуштшо еҥлан тудо куржын утлымо ола лийын – да Беештерам, йырышт улшо кӱтӱлык верлам пуэныт. Чылаже – кок ола.28Иссахар тукым деч Кишионым, Даврафым,29Иармуфым, Ен-Ганнимым да нунын йыр улшо кӱтӱлык верлам пуэныт. Чылаже – ныл ола.30Асир тукым деч Мишалым, Авдоным,31Хелкафым, Реховым, йырышт улшо кӱтӱлык верлам пуэныт. Чылаже – ныл ола.32Неффалим тукым деч Галилейысе Кедесым – пуштшо еҥлан тудо куржын утлымо ола лийын, – тыгак Хамоф-Дорым, Карфаным, йырышт улшо кӱтӱлык верлам. Чылаже – кум ола.33Тыгеракын, Гирсон урлык эрге-влаклан чылаже латкум олам, нунын йыр улшо кӱтӱлык верлам пуэныт.34Кодшо левит-влаклан – Мерари урлык эрге-влаклан – Завулон тукым деч Иокнеамым, Карфам,35Димнам, Нагалалым да нунын йыр улшо кӱтӱлык верлам пуэныт. Чылаже – ныл ола.36Рувим тукым деч [Иордан вес велне Иерихон ваштареш, Мисор ир мландыште] Бецерым, [пуштшо еҥлан тудо куржын утлымо ола лийын,] Яацым,37Кедемофым, Мефаафым да нунын йыр улшо кӱтӱлык верлам пуэныт. Чылаже – ныл ола.38Гад тукым деч Галаадысе Рамофым – пуштшо еҥлан тудо куржын утлымо ола лийын, – тыгак Маханаимым,39Есевоным, Иазерым да нунын йыр улшо кӱтӱлык верлам пуэныт. Чылаже – ныл ола.40Мерари урлык эрге-влаклан, кодшо левит-шамычлан, шерева почеш чылаже латкок олам пуэныт.41Израиль эрге-шамычын мландыштышт левит ола-влак, нунын йыр улшо кӱтӱлык верла дене пырля, чылаже нылле кандаше лийыныт.42Кажне тыгай ола йыр вольыкым кӱташлан вер лийын. [Кунам Иисус мландым шеледыме пашам мучашлен, израиль эрге-влак тудлан Господьын кӱштымыж почеш мланде пайым пуэныт. Йодмыж семынак тудлан Ефрем курыкласе Фимнаф-Сара олам ойыреныт. Иисус тиде олам угычын чоҥен да тушто илаш тӱҥалын. Израиль эрге-влак дене пӱчмӧ йӱлам эртарыме годым кучылтмо кӱ кӱзӧ-влакым тудо Фимнаф-Сара олаште аралаш пыштен. Нине кӱзӧ дене тудо ир мландыште коштмо годым шочшо да пӱчдымӧ лийше израиль эрге-влакым пӱчкын улмаш.]43Тыге Господь израильтян-влаклан, нунын ача-кочаштлан товатлен сӧрымӧ семынак, пӱтынь тиде мландым пуэн. Израиль эрге-влак тиде мландым налыныт да тушан вераҥыныт.44Ача-кочаштлан товатлен сӧрымӧ семынак, Господь нунылан чыла велымат тыныслыкым пуэн. Тушман-влак кокла гыч нигӧ нунын ваштареш шоген кертын огыл, чыла тушманыштым Господь нунын кидыш пуэн.45Господьын Израиль калыклан пуымо поро сӧрымашыж-влак гыч иктат шукталтде кодын огыл – кажныже шукталтын.
Institute for Bible Translation, Finland