Иона2
1Господь Ионам кугу коллан нелаш кӱштен. Кол мӱшкырыштӧ Иона кум кече да кум йӱд лийын.2Тушто тудо шке Господь Юмыжлан кумалын,3тыге ойлен:«Ойгыштем Господьым ӱжын кумалынам –Тудо мыйым колын.Вес тӱнян келгытше гыч кугу йӱкын кычкыренам –Тый мыйын йӱкем колынат.4Тый мыйым келгытыш, теҥыз пундашыш шуэнат,вӱдйогынет-влак мыйым авыреныт,чыла вӱдет ден толкынет ӱмбачем эртеныт.5Садлан шкаланем манынам:”Шинчат ончыч улам мый кораҥдыме,но святой храмет могырыш садак ончем.6Шӱлышем петырен, вӱд мыйым авырен,келгыт пызыралын, теҥыз шудо дене вуем пӱтырналтын.7Пундашыш, курык негыз деке воленам,мланде тӱкылтыш петыралтын почешемже курымлан.Но Тый, Господь Юмем, чонем шӱгар гыч утарет.8Кунам ӱнарем пытен, шарналтенам Господьым,да мыйын кумалмем Тый декет, Тыйын святой храмет деке,миен шуын.9Полган шояк юмым жаплыше-влакЮмылан ӱшанле лиймыштым чарнат.10А мый, моктымо мутым ойлен,Тылат надырым кондем, мом сӧрымем шуктем.Утаралтмаш – Господьын кидыште!”»11Господь кугу коллан кӱштен, да тудыжо Ионам серыш пӱргал луктын шуэн.
Institute for Bible Translation, Finland