Иона3
1Ионалан кокымшо гана Господь дечын шомак лийын:2«Кынел да Ниневийыш, кугу олашке, кай, тушто Мыйын мом кӱштымем увертаре».3Иона кынелын да Господьын кӱштымыж почеш Ниневийыш каен. Ниневий пеш чот кугу ола лийын, тудым йолын эрташ кум кече кӱлын.4Иона ола дене ик кечаш корным эртен да тыге увертарен ойлен: «Нылле кече гыч Ниневий шалатыме лиеш!»5Тидым колмеке, Ниневийыште илыше-влак Юмылан ӱшаненыт: пӱтым увертареныт, чыланат, изижге-кугужге, чоштыра вургемым чиеныт.6Тиде шомак Ниневийын кугыжаж декат шуын. Тудат престолжо гыч кынелын, кугыжан вургемжым кудашын, чоштыра вургемым чиен да ломыж ӱмбак шинчын.7Кугыжан да тӧра-влакын лӱмышт дене тудо уло Ниневий мучко увертараш кӱштен: «Айдемат, шолдыра ден тыгыде вольыкат нимом кочшаш да вӱдым йӱшаш огытыл. Вольыкым кӱташ лукман огыл.8Айдемат, вольыкат чоштыра вургемым чийышаш улыт, тек кажныже Юмым ӱжын кумалеш, осал корно да торжалык деч кораҥеш.9Кӧ пала, ала Юмо мемнам эше серлага, когартарыше шыдыжым мемнан деч кораҥда, да ме илыше кодына».10Юмо нунын осал корно гыч кораҥмыштым ужын да чаманен. Нуным пытараш шонымыжым Юмо вашталтен да нимогай эҥгекым ыштен огыл.
Institute for Bible Translation, Finland