Иов38
1[Кунам Елиуй ойлымыжым чарнен,] Господь Иовлан тӱтан кокла гыч вашештен:2«Кӧ тый улат, кузе тый Мыйын ышташ шонымемнимом палыде ойлымо мут-влак дене ӱмылтет?3Пӧръеҥ семын кыдалышкет ӱштым ӱштал: Мый йодышташ тӱҥалам,а тый Мылам вашеште.4Кушто лийынат тый,кунам Мый мланде негызым пыштенам?Палет гын, каласе.5Кӧ тудын кугытшым палемден? Мутат уке, палет!Але кӧ тудын ӱмбалне висыме кандырам шупшын?6Мо ӱмбалне мландын негызше шога,кӧ тудын пусак кӱжым пыштен?7Тунам эр шӱдыр-влак чылан пырля муренытда Юмын эрге-шамыч йывыртен кычкыреныт.8Кӧ теҥызын капкажым петырен,кунам тудо авагудо гыч лекме семын чымалт лектын?9Мый тудым пыл дене леведынам,пычкемыш дене вӱдылынам,10тудын тӱржӧ-влакым палемденам,тӱкылтышан капка-влакым шогалтенам11да каласенам: ”Тышке толын шумеке, от кай умбакыже,тырга толкын-влакетлан тыште чек лиеш”.12Иктаж гана эрлан кӱштен ойленат мо?Мландын тӱржӧ-влакым кучыжода мландымбач осал еҥ-шамычым почкалтен шужо манын,ӱжаралан верым ончыктенат мо?14Тунам печать дене темдалтше шун семынмландын сынже вашталтешда тӱрлӧ тӱсан вургемла кояш тӱҥалеш.15Осал еҥ-влак волгыдо деч посна кодыт,нӧлталме кидышт пудыртымо лиеш.16Воленат мо теҥыз йымалысе памаш-влак декеда коштынат мо келгыт пундашыште?17Палыме улыт мо тылат колымашын капкаже-влак,ужынат мо колымаш ӱмылын капкаже-влакым?18Шымлен лектынат мо пӱтынь мландым?Умылтаре, чыла тидым палет гын.19Кузе каяш волгыдын илыме верышкыже,да кушто пычкемышын верже?20Вӱден наҥгает тый нуным илыме кундемышкышт,нунын пӧртышт дек корным палет, тыге вет?21Тый тидым палет, вет нунын дене иктаҥаш улат –теве могай кужу тыйын ӱмырет!22Пуренат мо тый лумым аралыме верыш,ужынат мо шолемын кийыме вержым?23Нуным Мый туткар жаплан,сӧй ден сар кечылан аралем.24Могай корно дене волгыдо шарлада мланде мучко эрвел мардеж коштеш?25Кӧ йӱр йӱрашлан йогыным почында кӱдырчылан корным ончыктен?26Кӧ вӱдым колта еҥ илыдыме кундемыш,айдеме уке улман ир мландыш?27Кӧ ир мланде ден ошманурым йӱкта,мланде гыч ужар кушкылым кушта?28Уло мо йӱрын ачаже?Кӧ лупс чӱчалтыш-влакым шочыкта?29Кӧн авагудыж гыч ий лектеш,кӧ шочыкта кава гыч йогышо пӧршым,30кунам вӱд кӱ гай пеҥгыде лиешда вӱд келгытын ӱмбалже кылма?31Кертат мо тый Шоктешӱдырым пырля кылденда Вӱдварашӱдырын ӱштыжым рончен?32Кертат мо шӱдыр-влакым шке жапыштыже луктында Коркашӱдырым йочаж-влак дене вӱден наҥгаен?33Палет мо тый сандалык дене виктарыше законым,кертат мо тудын кучемвийжым мландымбалне шогалтен?34Пыл-влак ӱмбакет йӱрым йоктарышт манын,кертат мо нунын деке йӱкетым кугемден?35Колтет мо волгенче-влакым, да нуно каят мо,каласат мо тылат: ”Ме тыште улына”?36Кӧ шӱмыш мунлылыкым пыштен,кӧ уш-акыллан умылымашым пуэн?37Кӧ шке мунлылыкшо дене кертеш пыл-влакым шотленда кавасе ате-шамычым ястарен?38Пурак тунам лавыраш савырна,рок комыля-влак ваш пижыт.39Тый мо ава левлан кочкышым кучетда тудын игыже-влакым пукшет,40кунам нуно пыжашыштышт киятале вондер йымалне ваҥат?41Кӧ пуа курныжлан кочкышым,кунам игыже-влак Юмылан кычкыраткочкыш деч посна тӧрштылмышт годым?
Institute for Bible Translation, Finland