Иов39
1Палет мо ирказа-влакын пачам ыштыме жапыштым,ороленат мо пӱчӧ-шамычын презым ыштымыштым?2Шотлен кертат мо, мыняр тылзе нунылан тӱж коштман?Палет мо нунын шочыктымо жапыштым?3Нуно презе-пачаштым чӱчырнен ыштат,нумалтыш дечын эрыкаҥыт.4Пасушто нунышт погат вийым, кушкыт,вара каят да огыт пӧртыл мӧҥгеш.5Кӧ ир осёлым эрыкыш колтен,кӧ тудын кепшылжым руден?6Вераҥденам Мый тудым тӧрверыш,шинчалан кундемым илыме вержым ыштенам.7Оласе йӱк-йӱан тудлан воштылчык,кӱтӱчын йӱкшым тудо ок кол.8Курыклаште шкаланже кочкышым ончыштын,ужар шудым тудо кычалын коштеш.9Кӧна мо ир ӱшкыж тылат служитлаш?Тӱҥалеш мо тудо шерчат воктене йӱдым малаш?10Кылден кертат мо тудым шогавуй дек,тырмала мо тудо тыланет пасум?11Инанет мо тудын кугу вийжылан,шке пашатым ӱшанет мо тудлан?12Шурнетым конда манын, тудлан ӱшанет мо?Намия мо тудым идымышкет?13Куанен лупша шулдыржым страус,но аистын пыстыл да пунжо денетудым ок лий таҥастараш! 14Кода тудо муныжым мландыште,шокшо ошмаште тудым ырыкта,15ок шоналте – кертыт муным тошкалын,кертеш тудым янлык лаштыртен.16Шке игыж-влак деке тудо торжа,пуйто нуно шкенжын огытыл,чыла тыршымыже арам лийме деч ок лӱд –17вет Юмо тудлан умылымашым пуэн огыл,уш-акыл деч посна тудым коден.18Но кунам тудо кынелеш да чымыкта,имне ден имнешке тудлан улыт воштылчык.19Тый мо имньылан вийым пуэнатда шӱйышкыжӧ оржам чиктенат?20Туныктенат мо тудым шурнышырчык семын тӧрштылаш?Неррожшо дене тудо шучкын пышкыра, 21вийжылан куанен, йолжо дене тавада уло кертмын кредалмашыш тӧрга.22Лӱдмашым тудо игылт воштылеш, ок аптыране,керде деч лӱдын ок савырне.23Пикш лодак колдыртата ӱмбалныже,йылгыжыт умдо ден кинжал.24Чытен-чытыде, тудо ончык кудалеш,пуч йӱк шоктымеке, верыштыже ок керт шоген.25Пуч йӱкым колмеке, рокмалтен колта –умбачынак шижеш кредалмашым,сарзывуй-влакын кычкырымыштым, йӱк-йӱаным колеш.26Тыйын шонымет почеш мо вараш чоҥештада, шулдыржым шаралтен, кечывалвеке кая?27Тыйын шомакет почеш мо арыслан кӱшкӧ нӧлталтеш,шке пыжашыжым кӱшнӧ чоҥа?28Кӱ курыкышто тудо йӱдым эртара,курыкнерыште да сип верлаште ила.29Тушеч арыслан шкаланже кочкышым ончыштеш,шинчаже тудын умбаке ужеш.30Тудын игыже-влак вӱрым йӱыт:кушто колышо кап – тудо тушто».31Господь Иовлан эше каласен:32«Тӱҥалеш мо эше ӱчашаш Чылакучышым титаклыше?Тек Юмым шылталыше Тудлан вашешта!»33Иов Господьлан вашештен:34«Улам мый йӧрдымӧ айдеме,Тылат мый мом вашештем?Кидем дене умшам петырем.35Ик гана мый ойленам – тетла ом ойло,эсогыл кок гана – ынде шып лиям».
Institute for Bible Translation, Finland