Иов37
1Тидын деч мыйын шӱмем пыртка,лектын возаш тудо ямде.2Колыштса, колыштса Тудын йӱкшым,Тудын умшаж гыч лекше кӱдырчӧ гай йӱкым –3кава мучко Тудын кӱдырчыжӧ кӱдыртылеш,волгенчыже мланде тӱрыш шуэш.4Нунын почеш Тудын йӱкшӧ сургалтеш,куатан йӱкшӧ дене Тудо рашкалтылеш,чарныде колта волгенчыжым – колыт Тудым чылан.5Ӧрыктарышын кӱдыртылеш Юмо шке йӱкшӧ дене,кӱдыратле паша-влакым ышта –ок лий нуным мыланна умылаш.6Каласа Тудо лумлан: ”Воч мландыш”,изи ден кугу йӱр Тудын куатшым ончыктат.7Тыгай годым еҥ-влак пӧртыштышт шинчат,тек нуно Тудын ыштыме пашажым палат!8Янлык-влакат пыжашышкышт шылыт,вынемыштышт нуно кият.9Шылме верже гыч тӱтан лектеш,йӱштым конда йӱдвел мардеж.10Юмын шӱлалтыш деч ий ышталтешда кумда вӱд кылма.11Пылым Тудо южвӱд дене темада тушечын волгенчым колтылеш.12Тудын шонымыж семын пыл-влак пӧрдын каят,кӱштымыжым пӱтынь мландымбалне шуктат –13мландымбаке Юмо дечя мут кучыктымашым, я порылыкым кондат.14Колышт тидым, Иов, да шып лий,Юмын ӧрыктарыше пашаж-влак нерген шоналте.15Палет мо, кузе Юмо пыл-влакым виктарада тушеч волгенчылан волгалтараш кӱшта?16Палет мо, кузе пыл-шамыч каваште ийын каят,умылет мо Чылапалышын ӧрыктарыше пашаже-влакым?17О тый, кӧм шокшо годым вургем тӱнчыктара,кунам кечывалвел мардеж деч мланде тӱлыжга,18тый мо Тудын дене пырля шаренат пылпомышым,велен ыштыме воштончыш гай пеҥгыдым?19Туныкто мемнам, мом Тудлан каласаш?Ме улына пычкемыште, огына мошто нимом вашештен.20Каласат мо Юмылан Тудын дене кутыраш шонымем?Но айдеме кычалеш мо колымашым?21Ок лий волгыдо ӱмбак ончаш –пыл-влак шеҥгелне тудо шинчам йымыктара,но толеш мардеж да нуным шалатен колта.22Йӱдвел гыч шӧртньӧ волгыдо толеш,лӱдыктышӧ кӱдыратлыкше дене Юмо чакемеш.23Чылакучышо! Тудын деке мыланна лишемаш ок лий,куатше дене Тудо пеш кугу,Тудо чын ышта да судитла, нигӧм ок шыгыремде.24Сандене еҥ-шамыч Тудым тек шотлен илат,мунло шӱман-влак Тудын ончылно тек чытырат!»
Institute for Bible Translation, Finland