Иов36
1Елиуй шке шомакшым умбакыже шуен:2«Изиш вучалте, мый тылат умылтарем –Юмым арален налаш эше уло шомакем.3Лончылен шонкалымем умбач тӱҥаламда Ыштышемын чынле улмыжым ончыктем.4Чынжымак, мыйын мутыштем уке шояк,тыйын ончылнет – тичмаш шинчымашыш шушо айдеме.5Юмо вий-куатан, нигӧм Тудо ок шӱкал,Тудын уш-акылжын вийже кугу.6Осал еҥ-влакын илышыштым Тудо ок шуйо,а пызырналт илыше-шамычым пыдал налеш.7Чын ыштыше-влак ӱмбач ок кораҥде шинчажым,кугыжа-шамыч пелен нуным престолыш шындада чапыштым курымешлан нӧлталеш.8Улыт гын нуно шинчыр дене шинчырлымеда нуным ойго кепшыл авалтен –9Тудо нунылан пашаштым,кугешнымышт дене сулыкыш пурымыштым ончыкта.10Пылышыштым почын, Тудо нуным туныкта,осал деч кораҥаш кӱшта.11Тӱҥалыт гын нуно Тудым колышташ, Тудлан служитлаш,илышаш кечышт сай лиеш,ончыкылык ийлашт – пиалан.12А огыт колышт гын, керде деч колат,ушдымо улмыштлан кӧра пытат.13Юмым шотлыдымо-влакын шӱмышт шыде дене темын –Юмын шинчырлымекыжат, полышым йодын огыт кумал.14Сандене нуно самырык годымак колат,илышышт намысыште пыта.15Но орлыкыш логалшым Тудо орлык гочак утара,ойгыш логалмыж гоч тудын пылышыжым почеш.16Тыйымат Тудо шыгыр гыч йоҥгыдылыкыш луктеш ыле,куштыжо нимогай чарак уке,ӱстелет темеш ыле эн сай кочкыш дене.17Но тый осал еҥ-влак семын судитлалтынат,чынле суд тылат ышталтын.18Тек кугу шыдет мыскылымашыш ок савырне,пуымо чапле пӧлекет тыйым ок локтыл.19Утара мо азап деч тыйын вий-куатет,але полышым йодын кычкырымет?20Ит вучо тудо йӱдым,кунам калык-влак шке верыштышт пытарыме лийыт.21Осал корныш шогалме деч шеклане,садланак вет тый тергымаш гоч эртет.22Юмын вий-куатше кугу,Тудын гай вес туныктышо уло мо?23Кӧ Тудлан кайышаш корным ончыкта,кӧ Тудлан каласен кертеш: ”Тый чын огыл ыштенат”?24Тудын пашаже-влакым чапландараш ит мондо,нуным еҥ-шамыч моктен мурат.25Чыла еҥ-влак нуным ужыт,мом ыштымыжым умбачын ӧрын ончат.26Юмо – кӱдыратле,мыланна Тудым пален налаш ок лий,Тудын ийлажым мыланна умылаш ок лий.27Вӱд чӱчалтыш-влакым нӧлталеш пылпомышышда нуным йӱрыш савыра:28пыл кокла гыч нуно чыпчат,еҥ-шамыч ӱмбак кугу йӱр семын йогат.29Кӧ ыҥла, кузе пыл-влак ийын каят,кузе Тудын омашыж гыч кӱдырчӧ рашкалтылеш?30Шке йырже Тудо волгенчым кышка,а теҥыз пундашым пычкемыш дене петыра.31Йӱрым колтен, калык-влакым судитла,кочкыш перкемат колтен шога.32Шке кидыштыже Тудо волгенчым куча,куш рашкалташ кӱлмым тудлан ойла.33Тӱтан лишемме нерген кӱдырчӧ шижтара,тудын толмыж нерген вольык пала.
Institute for Bible Translation, Finland