Иов35
1Елиуй умбакыже тыге ойлен:2«”Юмо ончылно чын ыштыше улам” манметымтый чынлан шотлет мо?3Ойлет тый: ”Сулыкым ыштыде илем гын,тидын деч мылам могай пайда?”4Тылат да йолташет-влакланпуэм мый вашмутым.5Шинчатым кавашке нӧлтал да ончо,ончал тый дечет кӱшнӧ улшо пыл-влакым.6Мом Тудлан ыштет тый сулыкыш пурымет дене?Мом Тудлан кондет титакым шукемдымет дене?7Чын ыштыше улат гын, мом Тудлан пуэт?Мом Тудо тый дечет налеш?8Сулыкет конда орлыкым лач тый гает еҥлан,чын ыштымет полша айдеме эргылан.9Пызырналт илымылан еҥ-влак вуйым шийыт,виян-влакын темдымышт деч полышым йодын кычкырат.10Но нигӧ ок ойло: ”Кушто Юмо, мыйым Ыштыше,Кӧ йӱдым мураш кумылаҥда,11Кӧ мемнам мландымбалысе янлык деч ушанракым,кавасе кайык деч мунлыракым ыштен?”12Еҥ-влак полышым йодын кычкырат,но осал да кугешныше улмыштлан кӧрауке нунылан Юмо дечын вашмут.13Арам нуно кычкырат – Юмо ок кол,Чылакучышо тыгайым ок колышт.14Ойлет гын тый: ”Мый Тудым ом уж,но мыйын пашам Тудын судшо ончылно,мый Тудым вучем” –мутат уке, Тудо тыйым ок кол.15Но кызыт Тудо шыдыж дене мут кучаш ок шогалте,осал паша-влакым шотыш ок нал.16Яра шомаклан Иов шке умшажым почын,нимом палыде, мут-влакым ойлыштеш».
Institute for Bible Translation, Finland