Иов34
1Елиуй шомакшым умбакыже шуен:2«Колыштса те, мунло-влак, мыйын мутем,тӱткын колыштса мыйым, шуко палыше-шамыч!3Вет кузе умша ойыркален мошта кочкыш тамым,тугак пылышат ойыркален терга шомакым.4Айста шоналтена – кушто чын,рашемдена шкенан коклаште – мо сай.5Тыге каласыш Иов: ”Улам мый титакдыме,но Юмо мылам чын судым ынеж ыште.6Мый чыным ойлем, но шотлат шоячылан.Кеч уке титакем, паремдаш лийдымын мыйым сусыртеныт”.7Уло мо Иов гай вес айдеме?Мыскылыме шомакым тудо вӱд семын йоктара,8законым пудыртышо-влак дене келша,осал еҥ-шамыч дене икоян.9Вет тудо ойла: ”Кӧ Юмылан йӧраш тӧча,тыгай айдемылан уке пайда”.10Колыштса мыйым те, кӧн ушыжо уло!Лийын ок керт Юмо дене закондымылык,осал пашам Чылакучышо ок ыште.11Айдемылан Тудо пашаж почеш пӧртылта,кӧ мом сулен, тудым кучыкта.12Чынжымак, ок ыште Юмо осалым,Чылакучышо чын огыл судым ок ыште.13Кӧ Тудлан мландым кид йымакше пуэн?Кӧ Тудлан уло тӱням кучыктен?14Тудо, лач Шкеж нерген шонен,шӱлыш ден шӱлалтышыжым Шкеж деке налеш гын,15чыла чонан иканаште пыта ыле,айдеме угыч пуракыш савырна ыле.16Ушет уло гын, колышт тидым,тӱткын колышт мыйын мутем.17Кертеш ыле мо чынлыкын тушманже тӱням вуйлатен?Кертат мо титаклен Чынлым да Куатаным?18Ойла Тудо кугыжалан: ”Йӧрдымӧ айдеме!”,тӧра-влаклан: ”Осал еҥ-шамыч”.19Но Тудо тӧра-влакым огеш ойыркале,поян еҥым незер деч кӱшкӧ ок шынде,вет нуно чылан Тудын кидше дене ыштыме улыт.20Ик татыште нуно колат,аптыранымашыш пура йӱдым калык да йомеш –айдеме кид деч огыл виян-влак пытат.21Эскера Тудо айдемын коштмо корныжым,ужеш Юмо тудын кажне ошкылжым.22Уке тыгай пычкемыш да колымашын ӱмылжӧ,кушан осалым ыштыше-влак шылын кертыт ыле.23Вет Тудын ончыко судыш шогалаш манын,Юмо айдемылан жапым ок палемде.24Нимом шымлыде Тудо виян-влакым пытарада олмешышт весе-шамычым шогалта,25вет Тудо чыла пашаштым пала,ик йӱдыштӧ нуным сӱмырен шуа –лийыт нуно пытарыме.26Весе-влакын шинча ончылныштнуным осал пашаштлан кыра,27вет нуно Тудын деч кораҥыныт,Тудын корныж нерген шоналтен огытыл,28да миен шуын Тудын дек йорло-влакын йӧсын кычкырымышт,пызырналтше-влакын вуйшиймыштым Тудо колын.29Ок пу гын Юмо вашмутым, кӧ Тудым титакла?Шылта гын чурийжым, кӧ Тудым ужын кертеш?Эскера Тудо калыкым, посна айдемымат –30тек Юмым шотлыдымо еҥ огеш кугыжалане,оптышым ок шынде калыклан.31Иктаж-кӧ Юмылан тыге каласа лийже:”Мый ойгым ужым, сулыкым тетла ом ыште.32Мом ом умыло – Тый мыйым туныкто,а осалым ыштенам гын, ончыкшым ом ыште”.33Кузе шонет, Юмо тудлан мутым кучыкта мо?Но тый Юмын мом ыштымыжлан торешланет.Мый огыл, а тый ойырен налшаш улат,мом палет гын, луктын ойло.34Каласат мылам ушан еҥ-влак,мыйым колыштшо мунло еҥ-влак:35”Шоныде Иов ойла,мутшо улыт шот дечын посна”.36Тек Иов мучаш марте тергыме лиеш –осал еҥ семын тудо вашмутым пуа!37Шке сулыкшо дек тудо Юмо деч кораҥмашым ешара,мемнан коклаште совыжым кырада Юмо ваштареш шке мутшым шукемда».
Institute for Bible Translation, Finland