Иов33
1Тугеже колышт, Иов, мыйын ойлымем,тӱткын колышт кажне мутем.2Теве мый шке умшамым почам,умшаштем йылмемым рудем.3Ару шӱмем гыч мутем-влак лектыт,умшам каласа яндар шинчымашым.4Юмын Шӱлышыжӧ мыйым ыштен,Чылакучышын шӱлалтышыже мылам илышым пуэн.5Кертат гын, мылам вашеште,шогал ончыкем, ваш шогаш ямдылалт.6Юмо ончылно улам мый тый гаетак,рок гыч ыштыме улам мыят.7Ок кӱл тылат лӱдаш мый дечем,неле ок лий тылат мыйын кидем.8Мый кольым ойлыметым,тыгай шомакым кольым:9”Ару улам мый, экшыкем уке,титакдыме улам, шылталаш амал уке.10Но Юмо кычал муын титаклаш амалымда мыйым шке тушманжылан шотла.11Тудо йолышкем калыпым чиктен,эскера чыла коштмо корнем”.12Но мый вашештем тылат: тыште йоҥылыш улат,вет Юмо айдеме дечын кугурак.13Молан тылат Тудын дене ӱчашаш?Шке пашаже-влакым Тудо умылтараш ок тӱҥал.14Юмо ик семын ойла,тидым огыт умыло гын – вес семын:15омо гоч, йӱдымсӧ кончымаш гоч,кунам еҥ-влакым омо авалтада нуно малат шке вакшыштышт.16Тунам Тудо айдемын пылышыжым почешда шижтарен ойлымыж дене лӱдмашым колта –17айдемым кораҥдаш осал паша деч,утараш кугешнымаш деч,18чонжым арален кодаш шӱгар деч,илышыжым – кердын пытарымыж деч.19Але ушым пурта вакшыште чер гоч,кунам лужо чарныде коржеш –20тунам айдемын кочмыжо ок шу,йӧратыме кочкышыжо йыгыжге лиеш.21Капше пеш чот явыга,кояш тӱҥалеш чыла лужо,кудыжо ончыч шинчаш пернен огыл.22Чонжо тудын лишемеш шӱгар деке,илышыже – колымаш деке.23Но уло гын тудым пыдал налше Суксо –тӱжем гыч икте, айдемылан чын корным ончыктышо –24тудым чаманен налеш да каласа:”Шӱгар деч тудым утаре,Мый тудлан сулен налме акым муынам”.25Тунам тудо самырык годсо вийым налеш,тудын дек пуйто самырык жапше пӧртылеш.26Кумалеш Юмылан да Тудын поро кумылжым муэш.Куан дене тудо Юмо ончыко шогалеш,да Юмо тудым угыч чыныш луктеш.27Тунам тудо еҥ-влак ончылно тыге каласа:”Сулыкым ыштенам мый, чын корно гыч кораҥын,но Тудо мылам пашам почеш пӧртылтен огыл.28Чонем Тудо шӱгар деч утарен,ош тӱняште илышым мылам пӧлеклен”.29Чыла тидым Юмо айдеме дене кок-кум гана веле огыл ышта –30чонжым шӱгар деч арален кода,да илышын волгыдыжо тудым волгалтара.31Колышт тӱткын, Иов, мыйым колышт,шып лий, мый ойлаш тӱҥалам.32Уло гын мом каласашет – вашеште,ойло – ужнем ыле чыныш лекметым.33А уке гын, колышт мыйым,шып лий – мый тыйым мунлылыклан туныктем».
Institute for Bible Translation, Finland