Иов29
1Шке ойжым Иов умбакыже шуен:2«О, пӧртылташ ыле ончычсо жапым,нуно кечым, кунам Юмо мыйым арален шоген!3Тудын лампыже вуем ӱмбалне йӱлен,Тудын волгыдыштыжо пычкемыш гоч каенам,4самырык годсо вий-куат пеленем лийын,Юмын порылыкшо – омашем ӱмбалне.5Тунам Чылакучышо эше мый денем лийын,а йочам-влак – мыйын йырем.6Шӧр эҥер йоген йол йымакем,кӱ курык мылам олив ӱйым йоктарен!7Кунам мый ола капка деке лектынам,калык погынымо верыште шке верышкем шинчынам,8мыйым ужын, самырык пӧръеҥ-влак кораҥыныт,шоҥгыеҥ-шамыч кынел шогалыныт.9Он-влак кутырымыштым чарненыт,умшаштым кидышт дене петыреныт,10лӱмлӧ еҥ-влак шыпланен шогалыныт,йылмышт умшаношмышкышт пижын.11Кӧ мыйым колын – мыйым пиалан манын,кӧ мыйым ужын – мыйым моктен,12вет полышым йодшо йорло еҥлан кидем шуенам,аралтыш деч посна кодшо тулык йочам мый утаренам.13Орлыкыш логалше мыйым суапландарен,тулык ватын шӱм-чонышкыжо куаным пуртенам.14Лийын чынлык мыйын вургемем,чын ыштымаш – плащ ден вуйчиемем.15Лийынам мый сокыр еҥлан тудын шинчаже,окшак еҥлан – тудын йолжо.16Йорло-влаклан мый ачашт лийынам,палыдыме еҥын пашажым судышто тӱткын шымленам.17Осал еҥ-влакын оҥылашлуштым шалатенам,руалтен налмыштым умшашт гыч поген налынам.18Шоненам мый: ”Шке пыжашыштем колем,илыме кечем-влак ошма семын шуко лийыт.19Вӱд деке шуэш мыйын вожем,укшлаштемже лупс кия.20Ок лывыжге мыйын чапем,пикшым пеҥгыдын куча кидем”.21Шып колыштыныт еҥ-влак мыйым,вученыт нуно каҥашем.22Мутем деч вара нимом ойлен огытыл,ӱмбакышт шомакем вӱд семын чыпчен.23Йӱр семын нуно мыйым вученыт,шомакем шошо йӱр семын йӱыныт.24Кунам ӱшанаш тоштын огытыл, мый шыргыжалынам,ласкан ончалмем кумылыштым нӧлталын.25Виктарен шогенам мый нуным, вуйлатышышт лийынам,иленам пуйто сарзе-влак коклаште кугыжа,шортшо-влакым лыпландарыше семын лийынам.
Institute for Bible Translation, Finland