Иов28
1Шийын уло шочмо лончыжо,шӧртньын уло левыктен эрыктыме верже.2Кӱртньым луктыт мланде гыч,кӱ гыч левыктен луктыт вӱргеньым.3Айдеме пычкемышым волгалтара,кычалеш кӱм кугу келгытыште,кӱнча пычкемыш ден колымаш ӱмылыштӧ.4Шахтым кӱнчат еҥ илыдыме верлаште,волат пеш кугу келгытыш,лӱҥгалтын кечат чылашт деч умбалне.5Мланде ӱмбалне кинде кушкеш,а кӧргыжым пуйто тул дене пургедме,6тусо кӱлаште уло сапфир,тушто – шӧртньӧ падыраш-влак.7Ок пале тушко корным куткыж,варашын шинчаже тудым ок уж,8огыт тошко тудым шучко янлык-влак,лев тушто ок кошт.9А айдеме чоткыдо курыкоҥ ӱмбак нӧлталеш шке кидшым,курык-влакым вожыштге савырен шуа.10Кӱ курык кӧргыштӧ руэн луктеш корно-влакым,чыла шергаканым шинчаже ужеш.11Миен шуэш эҥер вӱд лекме вер деке,еҥ шинча деч шылтымым волгыдыш луктеш.12Но кушто муаш лиеш мунлылыкым?Кушто уш-акыл ила?13Ок пале айдеме мунлылыкын шерге улмыжым,илыше-влакын мландыштышт тудым кычалын от му.14Пундашдыме келгыт каласа: ”Уке тудо мый денем”,теҥыз пелешта: ”Мый денем тудо огыл”.15Ок лий тудым налаш эн яндар шӧртньӧ дене,ший денат тудын акшым ок лий висаш.16От нал тудым Офирысе шӧртньӧ дене,шергакан оникс але сапфир денат.17От таҥастаре тудым шӧртньӧ да шерге янда дене,яндар шӧртньӧ гыч ыштыме ӱзгар денат от вашталте.18А коралл ден хрусталь нерген ойлыманат огыл,рубин деч мунлылык шергырак шога.19Тудын дене эфиоп топазым от таҥастаре,яндар шӧртньылан тудым от нал.20Тугеже, кушеч мунлылык лектеш,кушто уш-акыл ила?21Чыла илышын шинчаж деч,эсогыл кавасе кайык деч тудо шылтыме.22Вес тӱня ден колымаш ойлат:”Тудын нерген ме колынна веле”.23Лач Юмо пала тудын деке корным,тудын илыме вержым пала.24Вет мланде тӱрыш шуэш Юмын ончалтышыже,кава йымалне мо уло – чыла ужеш.25Тудо мардежлан вийым пуэн,вӱдлан мыняр лийшашым палемден,26йӱрлан чекым колтен,кӱдырчан тӱтанлан корным ончыктен.27Тидын деч вара Юмо мунлылыкым ужын да кугу акым пуэн,тудым терген да пеҥгыдемден.28А айдемылан Тудо каласен:”Господь деч лӱдмаш – теве мунлылык,осал деч кораҥмаш – теве уш-акыл”».
Institute for Bible Translation, Finland