Иов16
1Иов тыге вашештен:2«Тыгайым мый пеш шуко колынам.Чыланат те мыскынь лыпландарыше улыда!3Яра шомаклан лиеш мо мучаш?Мо тыйым таратен тыге вашешташ?4Те мыйын олмышто лийыда гын,мыят тендан семынак ойлен кертам ыле.Ваштарешда ойлем ыле шомак почеш шомакым,тендам воштылын, вуем рӱзалтем ыле.5Моторын ойлымем дене тендам кумылаҥдем,яра шомакем дене лыпландарем ыле.6Но кунам мый ойлем, орлыкемже ок изем,чарнем гынат, ок куштылем.7Улныктаренат Тый мыйым,уло ешем пытаренат!8Леведынат Тый мыйым куптыр дене –тидыже ваштарешем таныкла,тыгак каҥгештмем мыйым титаклен ойла.9Тудын шыдыже мыйым кӱрыштеш,ваштарешем пӱйжым шодырге пуреш,мыйын ӱмбакем тушман лӱен онча.10Умшаштым ӱмбакем кареныт,мыйым мыскылен, чурием гыч соват –нуно ӱмбакем кержалтыныт чылан.11Осал еҥ-шамычлан Юмо мыйым пуэн,Тудым шотлыдымо-влакын кидышкышт шуэн.12Тыныслын мый иленам,но Тудо сӱмырен кудалтен,шӱем гыч руалтен, чот кырен,мыйым Шкаланже мишеньым ыштен.13Тудын пикшызыже-влак мыйым авыреныт.Чаманыде, Тудо мыйын вергем шӱткала,мландымбак шекшем йоктара –14рож почеш рожым капыштем шӱткала,сарзе семын ӱмбакем керылтеш.15Капем леведаш чоштыра вургемым ургенам,вий-куатем пуракыш тоенам.16Шортмем дене чурием йошкарген,колымашын ӱмылжӧ шинчам леведын,17кеч кидем ыштен огыл осалымда кумалмемже мыйын яндар.18О мланде! Ит шылте мыйын вӱрем,кычкырымем ит чаре.19Каваште уло мыйын таныклышем,кӱшнӧ уло мыйым пыдал налше!20Йолташем-влак мыйым мыскылен ойлат,Юмо ончылно йога шинчавӱдем.21Кузе айдеме шке йолташыжым арален налеш,тугак Юмо ончылно мыйым иктаж-кӧ пыдал налже ыле!22Вет ий-влакемлан мучаш лишемеш,пӧртылаш лийдыме корныш мый каем.
Institute for Bible Translation, Finland