Иов15
1Феман гыч Елифаз тунам каласен:2«Вашешта мо мунлыеҥ мардеж деч налме шинчымаш дене,тема мо мӱшкыржым когартыше мардеж дене?3Арала мо шкенжым кӱлдымӧ шомак дене,тугай ой дене, куштыжо уке нимогай пайда?4Тый Юмо деч лӱдмашым укеш луктынат,Тудын ончылно шонкален кумалмым изиэш ужат.5Тыге ойлаш тыйым сулыкет туныктен,ойырен налынат тый шояк йылмым.6Мый огыл, а шке умшат тыйым титакла,шке йылмет ваштарешет таныкла.7Тый икымше айдеме шочынат мо,курык-влак деч ончыч ыштыме улат мо?8Юмын каҥашыштыже колышт шинченат мо?Тый шкетын мунло улат мо?9Мом тый тыгайым палет, мом ме огына пале?Мом тый тыгайым умылен моштет, мом ме огына умыло?10Мемнан коклаште чал ӱпан ден шоҥгыеҥ улыт,ийготышт дене ачат дечат кугурак.11Юмын лыпландарымыже тылат ок сите мо,поро мутым тыланет шагал каласыме мо?12Молан тый шӱметын ӱжмыж почеш кает,молан шинчат тыге шыдын онча?13Молан тый Юмын ваштареш шогет,умшат дене тыгай шомакым ойлыштат?14Айдеме чын ыштыше лийын кертеш мо,ӱдырамаш деч шочшо ару лиеш мо?15Теве Юмо шке святойжо-влакланат ок ӱшане,эсогыл кӱшыл кава Тудын шинчаштыже ару огыл.16А айдемыж нерген мом ойлаш?Тудо – шапшак да пужлышо,осалым тудо вӱд семын йӱэш.17Мый ойлаш тӱҥалам – тый колышт,мом ужынам – тылат каласем,18мом мунлыеҥ-влак ойленыт,мо ача-кочашт деч шылтыме лийын огыл –19нунылан гына мланде пуымо лийын,коклаштышт йот еҥ лийын огыл.20Осалым ыштыше айдеме илымыж мучко орлана,пызырен илыше еҥлан кӱчык ӱмырым палемдыме.21Тудын пылышыштыже – лӱдыкшӧ йӱк,эсен илымыж годым тудын дек пытарыше толеш.22Пычкемыш деч утаралтмылан ок инане,шке ончылныжо кердым ужеш.23Кинде шултышым кычалын, тудо перныл коштеш,пычкемыш кечын лишеммыжым пала.24Орлык ден шыгыремдымаш тудым лӱдыктат,сар дене толшо кугыжа гай ӱмбакыже кержалтыт –25вет тудо шке кидшым Юмо ваштареш нӧлталын,Чылакучышо ваштареш шогалын,26кӱжгӧ, пеҥгыде авыртыш денеТудын ӱмбак вустыкын лектын.27Чурийже тудын ӧрден,эрдыже кояҥын.28Илаш тӱҥалеш тудо пустаҥдыме олалаште,нигӧ илыдыме, шаланен сӱмырлаш ямде пӧртлаште.29Тетла тудо поян ок лий, вий-куатше ок код,кӱтӱжӧ мланде мучко ок шарле.30Ок утаралт тудо пычкемыш деч,укшыжо-влакым тулйылме кошта,Юмын шӱлалтышыже тудым умбак наҥгая.31Пусталан инанен, тудо ынже ондалалт,вет пусталык денак тудлан тӱлымӧ лиеш.32Жап деч ончыч тудо лывыжга,укшыжо-влак огыт ужарге.33Тудо – кӱын шудымо саскам йоктарыше виноград вондер гай,пеледышыжым велыше олив пушеҥге гай.34Юмым шотлыдымо еҥ-влакын тукымышт ок шуйно,взяткым налше-шамычын омашыштым тул пытара.35Пӱктен шинченыт нуно орлыкым да шочыктеныт осалым,кӧргыштышт нумалыныт шоякым».
Institute for Bible Translation, Finland