Иов17
1Шӱлышем начарештын, кечем-влак мучашлалтыт,мыйым лач шӱгарла вуча.2Йырем – мыйым воштылшо-влак,ужам, кузе нуно мыскылат.3Тый Шке мыйын верч залогым пу.Кӧ эше весе тидым ышта?4Вет умылен моштымаш деч Тый ушыштым петыренат,сандене от пу нунылан куанаш.5Кӧ шке йолташыж-влакым ужала,тудын йочажын шинчаже вудакаҥеш.6А Тудо мыйым калыклан воштылчыкым ыштен,еҥ-влак чурийышкем шӱведат.7Ойго деч шинчам начарештын,капемже пуйто ӱмыл лийын.8Чын ыштыше-влак тидлан ӧрыт,титакдыме-влак осал еҥлан шыдешкат.9Но чын ыштыше ок кораҥ шке корныж гыч,кӧн кидше ару – эшеат чот вийым пога.10Ну, а те лишемза тышке чыланат!Ом му мый тендан коклаште мунлым.11Мыйын кечем-влак эртеныт,шӱмыштӧ улшо шонымашем-влак шаланеныт.12А нине еҥ-шамыч йӱдым савырынешт кечыш,«волгыдо лишне» ойлат, но йырым-йыр пычкемыш.13Лач иктым веле вучем – вес тӱнясе мӧҥгыштем лияш:пычкемыште мый вакшышем шарем,14шӱгарлан каласем: ”тый мыйын ачам улат”,шукшлан – ”авам да акам улат”.15Кушто тугеже мыйын ӱшанен вучымем,кӧ тудым ужеш?16Тудо пеленем вес тӱняшке кая,мый денем пырля пуракыште кияш тӱҥалеш».
Institute for Bible Translation, Finland