Иов14
1Ӱдырамаш деч шочшо айдемын ӱмыржӧ кӱчыкда орлык дене темын.2Пеледыш семын тудо пеледеш да лывыжга,ӱмыл семын куржеш да йомеш.3А Тый тудын ӱмбаке шинчатым савырет?Мыйым Шке денет судитлалташ наҥгает?4Кӧ ару огыл гыч арум шочыктен кертеш? Нигӧ!5Айдемын илышаш кечыжым шотлымо,Тый тудлан тылзе чотым висенат –тидын деч утыжым тудо ок иле.6Тугеже тудын деч ончалтышетым кораҥде –тек тудо тарзын паша кече деч вара канымыж семын каналта.7Пушеҥгынат ӱшанже уло –руэн шуат гынат, тудо илана, иге-влакым колта.8Кеч вожшо мландыште шоҥгемын,пундышыжо рокышто мортаҥын,9но, вӱдым шижмеке, иге-влакым колтада нӧргӧ пушеҥге семын одарлана.10А айдеме кола да йомеш,ош тӱня гыч кая – кушто тудо?11Кузе ер гычын вӱд кая,кузе эҥер экса да кошка,12тыге айдеме возеш да ок кынел.Кава йоммешке, тудо ок кынел,шке омыж деч ок помыжалт.13О, Тый мыйым вес тӱняште шылтетда шыдет эртымешке тоет ыле гын,мылам жапым палемдетда вара мыйын нергенем шарналтет ыле гын!14Айдеме, колымеке, угыч илаш тӱҥалеш мо?Неле пашам ыштен илыме кечылаштемый утлымашым вучаш тӱҥалам.15Тый ӱжат ыле, а мый вашештем ыле –мыйым, шке кидет дене ыштымым, Тый сагынет ыле.16Тунам Тый йолтошкалтышем шотлет,но сулык ыштымем от эскере ыле –17титакем печать дене петырыме мешакыш шылтыме лиеш ыле,осал пашам Тый леведат ыле.18Но кузе курык каткалалт шалана,курыкоҥ шке верже гыч сирла,19кузе вӱд кӱм шуалтара,йогынжо мланде пуракым мушкын колта,туге Тый айдемын ӱшанжым пытарет.20Тудлан Тый вий-куатет ончыктен шогет,да тудо курымешлан тышечын кая –Тый тудын сынжым вашталтет да вес тӱняшке колтет.21Чапыште улыт мо йочаже-влак – тудо тетла ок пале,мыскылалтше улыт мо – ок шеклане.22Шижеш тудо лач капше коржмым,шке чон орлыкшым гына шижеш».
Institute for Bible Translation, Finland