Иов13
1Чыла тидым ужын мыйын шинчам,колын пылышем да умылен ушем.2Мом те паледа, тидым мыят палем –тендан деч ударак мый омыл.3Но мый Чылакучышо дене кутырынем,Юмо дене судитлалтнем ыле.4А те чылажымат шояк дене леведыда,чылан те йӧрдымӧ эмлызе улыда.5О, те шып лийыда ыле гын!Тунам мунло еҥыш лектыда ыле.6Колыштса шкемым чыныш лукшо шомакем,тӱткӧ лийза умылтарыше мутем дек.7Юмылан кӧра шоякым ойледа мо?Тудлан кӧра те ондалаш тӱҥалыда?8Те Юмылан полшынеда мо?Тудым арален налнеда?9Кунам Тудо тендам терга, тендан дене чыла сай лиеш мо?Те Тудым айдемым ондалыме семын ондалынеда мо?10Мыйын ваштареш шолып шонен пыштенда гын,Тудо тендам пеҥгыдын мут кучаш шогалта.11Тудын кӱдыратлыкше тендам ок лӱдыктӧ мо?Тудын деч лӱдмаш тендам ок авалте мо?12Тендан каласыме шомакда ломыж гай улыт,авыртышда – шун гыч ыштыме.13Вара мый денем кеч-мо лийже,но кызыт шып лийза – мый ойлем.14Молан мый, илышем чаманыде, шкемым пытымашке шуктем?15Юмо мыйым пытара. Уке нимогай ӱшан.Но Тудын ончылно мый шкемым арален налнем.16Тыште мыланем утаралтмаш,вет Юмым шотлыдымо еҥ Тудын ончыко шогалаш ок тошт!17Тӱткын колыштса мыйын мутем,тек умылтарымем пылышышкыда миен шуэш.18Теве мый суд пашалан ямдылалтымда палем – мый чыныш лектам.19Кӧ мый денем судитлалтын кертеш?Тунам мый шыпланем да тиде тӱня гыч каем ыле.20Нине кокытым Тый дечет йодам,тунам Тый дечет шылаш ом тӱҥал:21кораҥде мый дечем шке кидет,тек Тыйын колтымо шучкылыкет мыйым ок лӱдыктӧ.22Ӱж тунам мыйым, да мый вашештем,але пу мыланем ойлаш да мылам вашеште.23Мыняре мыйын осал паша ден сулыкем?Ончыкто мылам титак ден сулыкем.24Молан Тый чуриетым шылтет,мыйым шке тушманетлан шотлет?25Мардеж дене наҥгайыме лышташым огыл мо лӱдыктылат,кукшо олым пырчым огыл мо поктылат?26Кочо титаклымашым Тый мылам возет,самырык годсо сулыкем ӱмбакем савырет.27Тый йолышкем калыпым чиктенатда коштмо чыла корнем эскерет,кажне йол кышам шекланет.28Шӱйшӧ пушеҥге семын айдеме туршаҥеш, когарш кочмо вургем семын тудо пыта.
Institute for Bible Translation, Finland