Иов12
1Тунам Иов вашештен:2«Чынжымак, те гына айдеме улыда,да тендан дене пырля мунлылык кола!3Тендан семынак уло мыйынат ушем,нимо дене тендан деч ударак мый омыл –кӧ чыла тидым ок пале?4Воштылчык лийынам мый йолташем-влаклан –мый, кӧ Юмым ӱжын иленда кӧлан Тудо вашмутым пуэн шоген!Мый, чын ыштыше да шылталаш амалдыме,кызыт воштылчык лийынам!5Кӧ сайын ила, тудо орлыкан айдемым воштылеш,кӧ пеҥгыдын шога – шӱртньышӧ еҥым шӱкалеш.6Агыше-влак ласкан илат шке омашыштышт,Юмым сырыктыше-влак нимо деч огыт лӱд –шке кид куатыштым нуно юмылан шотлат.7Йод янлык деч – нуно тыйым туныктат,йод кайык-влак деч – нуно каласат,8кутыралте мланде дене – тудо туныкта,да теҥыз кол-влак тылат умылтарат.9Нунын кокла гыч кажныже пала:чыла тидым Господьын кидше ыштен.10Чыла илышын чонжо, кажне айдемын шӱлышыжӧ –Тудын кидыште.11Кузе кочкыш тамым йылме ойыркален мошта,тугак пылышат шомакым ойыркален ок мошто мо?12Тыгак шоҥгыеҥ-влакын уло мунлылык,шуко илыше-шамычын – уш-акыл.13Юмо дене – мунлылык да вий-куат,Тудын дене – ой-каҥаш, уш-акыл.14Мом Тудо шалата – угыч чоҥымо ок лий,кӧм Тудо петыра – эрыкыш ок лек.15Йӱрым чарен шогалта – чыла кошка,колта тудым – мландым вӱд пытара.16Юмо дене – вий-куат да пеҥгыдылык,Тудын кидыште улыт ондалалтше да ондалыше еҥат.17Тудо каҥашым пуышо-влакым чарайолын поктен колта,судья-шамычым ушдымым ышта.18Тудо кугыжа-влакын кучемвий палыштым шупшын налешда кыдалышкышт кул вургемым сака,19иерей-влакым чарайолын поктен колта,кугу тӧра-шамычым сӱмырал шуа.20Ӱшанле еҥ-влакын умшаштым петыра,кугурак-шамычым уш-акыл деч посна кода,21он-влакым намыс дене леведеш,куатан-шамычым вийдымым ышта.22Тудо пычкемышын келгытшым почеш,колымаш ӱмылым волгыдыш луктеш,23калык-влакым шукемда да пытара,нуным кугемда да кошарта.24Тудо калык вуйлатыше-влакым ушдымым ышта,корныдымо ир мландыште йомын кошташ кода –25волгыдо деч посна пычкемышыште кидшӱма коштыт,йӱшӧ семын нуно тайныштыт.
Institute for Bible Translation, Finland