Иер15
1Господь мылам каласен: «Мыйын ончыкем Моисей ден Самуил шогалыт ыле гынат, тиде калыкым ом чамане ыле. Поктен колто нуным Мый дечем, тек каят.2”Кушко мыланна каяш?” манын, тый дечет йодыт гын, нунылан вашеште: Господь тыге ойла:Пушташ пуымо-влак тек пуштмо лийыт,кердылан пуымо-шамыч тек керде деч камвозыт,шужымашлан пуымо-влак тек шужен шинчат,пленыш пуымо-шамыч тек пленыш каят.3Господь ойла: Нунын ӱмбак ныл тӱрлӧ пытарымашым колтем: руэн пушташ – кердым, пурын кушкедаш – пий-влакым, кочкаш да пытараш – кавасе кайык ден мландымбалысе янлыкым.4Иуда кугыжа Манассийын, Езекий эргын, Иерусалимыште мом ыштылмыжлан кӧра Мый нуным мландымбалысе чыла кугыжанышлан шучкылыкым ыштем.5Кӧ тыйым чаманен налеш, Иерусалим?Кӧ тыйын шотышто ойгыраш тӱҥалеш?Кӧ тый декет кузе илыштмет нерген йодаш пура?6Тый мыйым коденат, – ойла Господь, – кораҥ каенат.Сандене ӱмбакет кидем нӧлталам да тыйым пытарем:тетла тыйым ынем чамане!7Элысе ола-влакын капкашт воктенеМый тыйым кольмо дене пуалтен колтем,йочат-влак деч посна кодем.Шке калыкем Мый пытарем,вет осал корныж гыч тудо кораҥын огыл.8Тулык ватышт нунын теҥыз ошма пырче деч шукырак лиеш.Самырык сарзе-влакын авашт ӱмбакекечывалым Мый пытарышым колтем,вучыдымын нуным лӱдмаш ден шучкылык авалтат.9Кертдыме лиеш шым йочам шочыктышо,шӱлышыжӧ петырна,кечыже кечывал кечынак шинчеш –тудо намысыш пура, мыскылыме лиеш.А утаралт кодшо-влакымМый тушман шинча ончылно кердылан пуэм», –ойла Господь.10О, аваем, ойго мыланем!Молан тый мыйым ыштенат?!Мый эре ӱчашем, пӱтынь мланде дене вурседылам!Нигӧлан мый кӱсын пуэн омыл,шкежат нигӧ деч кӱсын налын омыл,но кажныже мыйым карга.11Господь каласен: «Мый чылажымат тылат сайыш савырем:ойго-орлык жап годым тушман тылат нимогай эҥгекым ок ыште.12Кӧ кӱртньым пудыртен кертеш –йӱдвелысе кӱртньым да тойым?13Шке мландыштыда ыштыме чыла сулыкланМый пого ден поянлыкдам агаш пуэм –яра, окса дечын посна.14Тендам Мый тушман дене пырлятыланда палыдыме мландыш колтем,вет шыдемын тулжо ылыжын,тудо тендан ваштареш йӱлаш тӱҥалеш!»15Господь, Тый чыла палет!Шарналте мыйым, ончалтышет ӱмбакем савыре,поктылшем-влаклан ӱчым шукто!Нуным кужун ит чыте, уке гын мый пытем,вет палет: Тылат кӧра мыскылымашым чытем.16Кунам Тый мылам шомакет ойленат,тудо мылам кочкыш гай лийын.Тыйын шомакет мыламшӱм-чон куаным, йывыртымашым конден,вет мый Тыйын улам, мыйым Тыйын лӱмет дене лӱмдымӧ,Господь, Саваоф Юмо!17Шинчен омыл мый воштылшо-влакын погынымаштышт,нунын дене пырля веселитлен омыл –неле кидет йымалне мый шкетын шинчем,вет Тый мыйым шыде дене теменат.18Молан орлыкем ок пыте да сусыремже неле,молан тудым ок лий паремдаш?Тый кошкышо вӱдйогын, вӱддымӧ вер улат мо мыланем?19Тидлан Господь тыге вашештен:«Мӧҥгеш пӧртылат гын,Мый тыйым нӧлталам да угыч шке тарземым ыштем.Кӱлдымым огыл, а кӱлешаным ойлаш тӱҥалат гын,тый Мыйын умшам лият.Тунам тый огыл еҥ-влак деке кает,а нуно шке тый декет толыт.20Мый тыйым тиде калыклан пеҥгыде той пырдыжым ыштем.Нуно тый денет кучедалаш тӱҥалыт, но сеҥен огыт керт,вет пеленетше Мый лиям,тыйым утараш да аралаш тӱҥалам, – ойла Господь. –21Осал еҥ-шамычын кидышт гыч Мый тыйым утарем,чаманыдыме-влакын кидышт гыч шупшын налам!»
Institute for Bible Translation, Finland