Иер14
1Господь деч Иеремийлан йӱр уке шотышто теве могай шомак лийын:2«Шортеш Иуда, капкаже-влак вуйыштым сакеныт,еҥ-шамыч мланде ӱмбалне ойгырен шинчат,Иерусалим гыч кычкырыме йӱк нӧлталтеш.3Тӧра-влак шке тарзыштым вӱдлан колтат,нунышт вӱд аралыме вер деке толыт, но вӱдым огыт му.Мӧҥгеш кондат яра кувшиным –вожылшо, аптыраныше, вуйыштым нуно петырат.4Йӱр укелан кӧра мланде шелышталтын,мланде пашаеҥ-влак, вожылын, вуйыштым петыреныт.5Эсогыл пӱчӧ, пасушто презым ыштымеке, тудым кудалтен кода,вет кодын огыл нимогай шудат.6Ир осёл-влак чара кӱкшакалаште шогатда тулпире семын шӱлештыт,шинчашт вудакаҥын, вет уке нимогай шудат».7Кеч титакна мемнан ваштареш таныкла,но Тый, Господь, шке лӱметлан кӧра иктаж-мом ыште!Шуко гана ме Тый дечет кораҥынна,Тыйын ончылнет сулыкыш пуренна.8Израильын ӱшанже, орлык годым тудым Утарыше!Молан Тый кызыт тиде мландыште йот еҥ гай,йӱдлан кодшо корныеҥ гай улат?9Молан Тый ӧрын шогалше айдеме гай,виян, но полшен кертдыме сарзе гай улат?А вет Тый, Господь, мемнан коклаште илет,Мемнам Тыйын калыкет манын лӱмдымӧ!Ит кодо мемнам!10Тыге ойла Господь тиде калык нерген:«Йӧратат нуно перныл кошташ,огыт шынде йолыштлан чаракым.Сандене Господьлан нуно йӧрдымӧ лийыныт,ынде Тудо осал пашаштым шарналта,сулыкыштлан мут кучаш шогалта».11Господь мылам каласен: «Тиде калыклан сай лийже манын ит кумал.12Нуно пӱтым кучат гынат, Мый сӧрвалымыштым ом кол. Йӱлалтен пуымо надыр ден кинде надырым кондат гынат, нуным ом нал. Мый нуным керде, шужымаш да шучко чер дене пытарем».13Тунам мый каласенам: «Господь Юмем, теве мом нунылан пророк-влак ойлат: ”Кердым ода уж, тендан дене шужымаш ок лий, вет Господь тыланда тиде мландыште кужун шуйнышо тыныслыкым пуа”».14Господь мылам вашештен: «Нине пророк-влак Мыйын лӱмем дене шоякым увертарат! Мый нуным колтен омыл, кӱштымашым пуэн омыл, нунылан нимом ойлен омыл. Нуно тыланда шоя кончымашым, яра мужедмашым, шке шонен лукмыштым пророклен ойлат».15Сандене пророк-влак шотышто Господь тыге ойла: «Нуно Мыйын лӱмем дене пророклен ойлат, а Мый нуным колтен омыл. Нуно маныт: ”Керде ден шужымаш тиде мландыште огыт лий” – нине пророк-влак шкештак керде ден шужымаш деч колат.16Калыкат, кӧлан нуно пророклен ойлат, шужымаш ден керде деч пытат. Колышо капышт Иерусалимын уремлаже мучко кышкен пытарыме лийыт – нуным шкеныштым, ватыштым, эрге ден ӱдырыштым тойышо нигӧ ок лий. Нунын осалыштым Мый шке ӱмбакыштак опталам!17Каласе нунылан тыгай шомакым:тек шинчам гыч шинчавӱд йӱдшӧ-кечыже чарныде йога,вет ӱдыръеҥым, мыйын калыкемым, нелын сусыртеныт,тудым пеш чот кыреныт.18Лектам пасушко – тушто керде дене пуштмо-влак,пурем олашке – шужен ярныше-шамычым ужам.Нимом умылыде, пророк ден иерей-влак мланде мучко перныл коштыт».19Йӧршешлан мо шӱкалынат Иудам?Йырнык лийын мо Тылат Сион?Молан Тый мемнам тыге перенат,она керт ме паремынат?Вучена ме тынысым, но нимо поро уке.Вучена паремме жапым, но лач шучкылыкым ужына.20Палена, Господь, осал пашанам,ача-кочана-влакын титакыштым –Тыйын ончылнет ме сулыкыш пуренна.21Шке лӱметлан кӧра ит кудалте мемнам,чап престолетым намысыш ит пурто.Мемнан дене ыштыме ойпидышетым шарналте, ит пудырто!22Кертыт мо йот калык-влакын полган юмышт йӱрым колтен?Кертеш мо кава шкевуя кугу йӱрым пуэн?Тый огыл мо тидым колтет, Господь Юмына?Тылат гына инанена, вет чыла тидым Тый ыштет.
Institute for Bible Translation, Finland