Ис50
1Тыге ойла Господь:«Кушто авадан ойырлымо нерген кагазше,кудын дене Мый тудым луктын колтенам?Уло мо Мыйын тыгай кӱсын пуышем,кудыжлан Мый тендам парым верч пуэнам?Уке, те шке сулыкда верч ужалыме улыда,осал пашада верч авада ойырен колтымо.2Молан, кунам Мый толынам, нигӧ лийын огыл?Молан, кунам Мый ӱжынам, нигӧ вашмутым пуэн огыл?Шонеда, тендам сулен налаш кидем кӱчык лийынале утараш вием уке?Мый шке шомакем дене теҥызым коштем,эҥер-влакым ир мландыш савырем,тушто кол-влак сусынен колат,вӱд укелан кӧра шӱйын ӱпшат.3Кавам Мый пычкемыш дене вӱдылам,шем тӱсан вургем дене леведам».4Господь Юмо Мылам тунемше еҥын йылмыжым пуэн,моштем Мый ӱнардыме-влаклан шомак дене полшен.Кажне эрдене Тудо мыйым кынелта,тунемше семын колышташ пылышем помыжалтара.5Господь Юмо Мыйын пылышем почын –тидлан Мый тореш лийын омыл, мӧҥгеш савырнен омыл.6Тупем Мый кыраш, пондашемым кӱраш пуэнам,мыскылыме да шӱведыме деч чурием шылтен омыл.7Господь Юмо Мыланем полша,садлан Мый ом вожыл,чурием тулгӱ гай пеҥгыдым ыштем.Палем Мый: вожылмашеш ом код.8Лишне улеш Мыйым чыныш Лукшо.Кӧ Мыйым титаклынеже? Шогалына пырля!Кӧ Мый денем судитлалтнеже? Тек Мый декем толеш!9Господь Юмо Мыланем полша –кӧ Мыйым титаканыш луктеш?Вургем семын нуно чыланат лыжгаят,когарш нуным кочкеш.10Кӧ тендан кокла гыч Господь деч лӱдешда Тудын Тарзыжын йӱкшым колыштеш?Кӧ пычкемыште коштеш, кӧ волгыдо деч посна –тек ӱшана Господьын лӱмжылан, шке Юмыжлан инана!11Но те чыланат – тулым ылыжтыше,йӱлалтыше пикш-влакым лӱйышӧ-шамыч –шке ылыжтыме тулышкыда кайыза,йӱлышӧ пикшдан ылыжтыме тулйолкынышто коштса!Теве мом тендан дене Мыйын кидем ышта:те орланен коледа!
Institute for Bible Translation, Finland