Ис51
1«Колыштса Мыйым, Господьым кычалше,чынлыкыш шуаш тыршыше-влак!Ончалза кӱ курык ӱмбаке, кушеч те руэн лукмо улыда,кӱм лукмо верыш, кушеч те лукмо лийында.2Ончалза Авраам ачада да тендам шочыктышо Сарра ӱмбаке.Кунам Мый Авраамым ӱжынам, тудо шкет лийын,но Мый тудым суапландаренам, тукымжым шукемденам.3Господь лыпландара Сионым,лыпландара шалатыме чыла верлажым.Ир мландыже-влакым ышта Эдем сад гайым,ошмануржо-влакым – Господьын садше гайым.Лийыт тушто куан ден йывыртымаш,муро йӱк ден тауштымаш йоҥгаш тӱҥалыт.4Колышт Мыйым, калыкем,пылышет савыре, Мыйын тукымем!Мый дечем закон лектеш,чын судем калык-влаклан волгыдым конда.5Лишне Мыйын чынлыкем,Мыйын утарымашем толеш,Мыйын кидем калык-влак коклаште чын судым ышта.Инанаш тӱҥалыт Мыланем отро-влак,Мыйын куатемлан нуно инанат.6Вуйдам кава деке нӧлталза,да ӱлнӧ мландым ончалза:кава йомеш шикш семын,а мланде вургем семын лыжгая,тушто илыше-влак ӱвыра семын пытат.Но Мыйын утарымашем лиеш курымешлан,Мыйын чынлыкем нигунам ок пыте.7Колыштса Мыйым, чыным ыштен илен моштышо-влак,Мыйын законем шӱмыштыжӧ ашныше калык!Ида лӱд еҥ-влакын мыскылымышт деч,ида ӧрткӧ нунын игылтмышт деч.8Вет нуно когарш пытарыме вургем семын,шукш кочмо меж семын пытат.А Мыйын чынлыкем лиеш курымеш,мыйын утарымашем – тукым гыч тукымыш».9Кынел, кынел, Господьын кидше,вий-куат дене вӱдылалт!Ончычсо кечылаште кынелмет семын,акрет годымсо жап семын кынел!Тый огыл мо Раавым пытаренат,теҥызысе кугу янлыкым шуралтен пуштынат?10Тый огыл мо теҥызым, вӱд келгытым кукшемденат,сулен налме-влак эртен кайышт манын,теҥыз келгытым корныш савыренат?11Господьын утарыме еҥже-влак пӧртылыт,Сионыш кугу йӱкын йывыртен кӱзат –курымашлык куан нуным авалта.Куан ден йывыртымаш нуным темат,орлык ден нелын шӱлымаш пытат.12«Мый, Мый Шке тендан Лыпландарышыда улам.Молан тый лӱдат айдеме деч, кӧм колымаш вуча,лӱдат айдеме эрге деч, кӧ шудо семын кошка?13Мондет тый Господьым, шке Ыштышетым,Кӧ кавам шарен да мландым негызлен!А кажне кечын лӱдын илет шыгыремдылшын кугу шыдыж деч,кудыжо тыйым пытараш шона.Но кушто шыгыремдылшын кугу шыдыже?14Петырымаште кучымо еҥым вашке эрыкыш луктыт,тудо казаматыште ок коло, киндыже эре лиеш.15Мый Господь, тыйын Юмет, улам –Тудо, Кӧ теҥызым пудырата, вӱдтолкын-влакым лӱшкыкта:лӱмем Мыйын – Господь Саваоф.16Тыйын умшашкет шке шомакем пыштем,кидемын ӱмылжӧ дене тыйым леведам.Мый кавам вераҥденам, мландым негызленам,каласенам Сионлан: ”Тый Мыйын калыкем улат”».17Помыжалт, помыжалт, кынел, Иерусалим –вет тылат Господь шыдыж дене темше чашыжым кучыктен,да тудым тый пӱтынек йӱынат,руштыктарыше чашым пундаш марте йӱынат.18Шочыктымо эргыч-влак кокла гычтыйым вӱден кайыше нигӧ уке,ончен куштымо эргыч-влак кокла гычкидет гыч кучышо нигӧ уке.19Кок азап тыйым авалтен,кӧ тыйым чаманен налеш?Пустаҥдымаш ден пытарымаш, шужымаш ден керде!Кӧ тыйым лыпландара?20Эргыч-влак вийдыме лийыныт,вынемыш логалше пӱчӧ семын урем луклаште кият.Господьын шыдыжым, Юметын кугу шыдыжымнуно пундаш марте йӱыныт.21Колышт тидым, орлыкыш логалше,йошкар арака деч огыл руштшо!22Тыге ойла тыйын Господь Юмет,шке калыкшым арален налше Юмет:«Руштыктарыше чашым Мый кидет гыч налам,шыдемын чашыж гыч тетла тый от йӱ.23Мый тудым орландарышет-влаклан кучыктем,кӧмыт тылат ойленыт: ”Кумык воч, ме ӱмбачет каена”.Лийын тупетше нунылан мланде семын,тыйын ӱмбачет урем дене эртымыла коштыныт».
Institute for Bible Translation, Finland