Ис49
1Колыштса мыйым, отро-влак,тӱткын колыштса, умбалне илыше калык-шамыч!Господь мыйым шочмекемак ӱжын,ава мӱшкыр гыч лекмекак, мылам лӱмым пуэн.2Тудо мыйын умшам пӱсӧ керде гайым ыштен,шке кидшын ӱмылжӧ дене мыйым леведын.Ыштен мыйым пӱсемдыме пикш гайымда пикш лодакыштыже шылтен ашнен.3Мылам Тудо каласен: «Тый Мыйын тарзем улат, Израиль,тыйын гоч Мый чапланем».4А мый шоненам: «Арам тыршенам,нимолан вием пытаренам.Но Господь мыланем чын судым ышта,мылам логалшаш суап – Юмын кидыште».5Кызыт ойла Господь –Тудо, Кӧ Шкаланже Иаковым пӧртылташ,Шкеж дек Израильым погаш манын,Тудын тарзыже лияш мыйым ава мӱшкырыштӧ калыплен.Вет мый Господьын шинчаштыже пагалыме еҥ улам,Юмем – мыйын вий-куатем.6Тудо ойла: «Тый Иаков тукым-влакым угыч нӧлталшеда Израильын утаралт кодшыжо-шамычым пӧртылтышӧтарзем гына от лий,Мый тыйым чыла калыклан волгыдым ыштем –Мыйын утарымашем мланде тӱрышкат шуктет».7Тыге ойла Господь,Израильым Сулен налше да тудын Святойжо –ойла тудлан, кӧм нигӧ ок шотло,кӧм калык вурса, кӧ он-влакын кулышт улеш:«Тыйым ужын, кугыжа-влак кынел шогалыт,он-шамыч вуйыштым сават –Господьлан кӧра, Кудыжо ӱшанле,Израильын Святойжылан кӧра,Кудыжо тыйым ойырен налын».8Тыге Господь ойла:«Мылам келшыше жап годым Мый тыйым колынам,утарыме кечын тылат полшенам.Мый тыйым аралем,тыйын гоч калык дене ойпидышым ыштем.Шаланыше элым тый угыч нӧлталат,пустаҥдыме тукым мландыштым озаштлан пӧртылтет,9каласет петырымаште улшо-влаклан: ”Лекса!”,пычкемыште улшо-влаклан – ”Волгыдыш толза!”Корно воктенат нуно кочкышым муыт,чара кӱкшака-влак нунын кӱтымӧ верышт лийыт.10Нуно шужаш да сусынаш огыт тӱҥал,лӱп шокшо ден когартыше кече нунылан зияным огыт кондо.Вет Чаманен налше нуным вӱден наҥгая,вӱдан памаш-влак деке конда.11Чыла курыкем Мый корныш савырем,Мыйын корнем-влак кӱшнӧ шуйналтыт.12Теве толыт нуно умбачын:кӧ йӱдвел гыч, кӧ теҥыз могырым,а кӧ гын Синим мланде гыч».13Куане, кава, да йывырте, мланде!Курык-влак, куанен йӱкланыза!Вет Господь шке калыкшым лыпландарен,орланен илышыже-влакым серлаген.14А Сион ойлен: «Господь мыйым коден,Юмем мыйым монден!»15«Монден кертеш мо ӱдырамаш шке йочажым,ок чамане мо чызым кочшо азажым?Но тудо монда гынат, Мый тыйым ом мондо.16Мый тыйым кидкопашем корен возенам,ола пырдыжет-влак эре шинча ончылнем улыт.17Йочат-влак тый декет вашкат,шалатыше ден пустаҥдыше-шамыч кораҥын каят.18Нӧлтал вуетым да йырет ончал:шочшет-влак толыт чылан, тый декет погынат.Шкем дене товатлем, – ойла Господь, –нуно тыланет сӧрастарыш семын лийыт,оръеҥ семын тый нуным ӱмбакет чиет».19Шалатен пытарыме, пустаҥдыме мландеттушто илыше-влаклан ынде шыгыр лиеш,а тыйым пӧжгышӧ-шамыч лийыт поктен колтымо.20Тый йочат-влакым йомдаренат, но тыйын весе-шамыч шочыт,да нуно тылат каласат:«Мыланна тыште шыгыр, пу верым мыланна илаш».21Тунам тый шке семынет шоналтет:«Кӧ нуным мыланем ыштен?Мый йоча деч посна кодынам,лийынам азам ыштен кертдыме,пленыш наҥгайыме, поктен колтымо!Кӧ нуным ончен куштен?Мый шкет кодынам, кушеч нуно лектыныт?»22Господь Юмо тыге ойла:«Мый калык-влаклан палым пуэм,тукым-шамычлан шке тистем нӧлталам.Нуно эргыч-влакым кидешышт,ӱдырет-шамычым вачӱмбалнышт кондат.23Кугыжа-влак йочат-шамычым ончаш,кугыжанвате-шамыч азат-влакым пукшаш тӱҥалыт.Нуно вуйыштым ончылнет мланде марте сават,йолысо пуракетым нулаш тӱҥалыт.Тунам тый умылет: Мый Господь улам,Мылам инаныше-влак огыт пуро вожылмашыш».24Поген налаш лиеш мо тале сарзе деч мом руалтымыжымале сеҥыше деч – пленыш налме еҥже-влакым?25Тыге ойла Господь:«Туге, тале сарзын пленыш наҥгайыме еҥже-влак поген налме,индырыше еҥын мом руалтымыже пӧртылтымӧ лийыт.Тушманет-влак ваштареш Мый Шке шогалам,йочат-шамычым Мый утарем!26Шыгыремдылше-влакетлан шке капыштым пукшем,йошкар арака деч руштмо семын нуно шке вӱрышт деч руштыт.Кажне еҥ пален налеш:Мый Господь, тыйын Утарышет да Сулен налшет,Иаковын Виян Юмыжо улам».
Institute for Bible Translation, Finland