Ис44
1А кызыт колышт, Иаков, Мыйын тарзем,Израиль, Мыйын ойырен налмем.2Тыге Господь ойла – Тудо, Кӧ тыйым ыштен,ава мӱшкырыштӧ калыплен,Кӧ тыланет полшен шога:Ит лӱд, Иаков, Мыйын тарзем,Израиль, Мыйын ойырен налмем!3Сусынышо мландыш йоктарем Мый вӱдым,кошкышо рокыш – вӱдйогыным.Тыйын тукымет ӱмбак шке Шӱлышем,урлыкет ӱмбак суапландарымашем опталам.4Олыкысо шудо семын,вӱдйогын воктенысе арама-влак семыннуно тӱҥалыт шарлаш.5Икте каласа: ”Мый Господьын улам”,весе Иаковын лӱмжӧ дене лӱмдалтеш.А ала-кӧ кидешыже ”Господьын улам” манын возен шында,Израильын лӱмжым шкаланже налеш».6Тыге ойла Господь, Израильын Кугыжаже,тудын Сулен налшыже, Господь Саваоф:«Мый икымше да Мыяк пытартыш улам,Мый дечем моло вес Юмо уке.7Кӧ Мый гаем уло?Тек тудо каласа, увертара, Мылам рат дене ойла:мо лийын акрет калыкым ыштымекем,да ончыкылыкым, мо лийшашым тек увертара.8Ида лӱд, ида ӧрткӧ!Ожнак огыл мо Мый чыла тидымтыланда увертаренам, ончылгоч ойленам?Те Мыйын таныклышем улыда.Уло мо Мый дечем моло вес Юмо?Уке вес Кӱ курык, иктымат ом пале».9Шояк юмым ыштыше-влак улыт нимо,йӧратыме шояк юмышт нимогай пайдам огыт кондо.Нунын нерген таныклыше-влак огыт уж, огыт умыло,сандене нуно намысыш пурат.10Молан юмым ышташ, шояк юмым велен лукташ кӱлеш,кудыжо нимогай пайдам ок кондо?11Тыгай пашаш ушнышо-влак чылан вожылмашыш пурат,вет шояк юмым ыштыше-шамыч айдеме веле улыт.Тек нуно погынат да пырля шогалыт –нуным авалта лӱдмаш, чылан намысыш пурат.12Кӱртньӧ гыч апшат ышта товарым,тулшол ӱмбалне куча, чӧгыт дене тапта –чыла вий-куатшым тышке пышта!Тудо шужа, кодеш ӱнар деч посна,ок йӱ вӱдымат – чыла вийже пыта.13[Пушеҥгым ойырен налмеке,] плотник тудым виса,пӱсӧ ӱзгар дене корешым колта,вара ий дене пӱчкеда да ягылтара.Вара, юмылукыш шындаш манын,тудлан мотор айдемын тӱсшым пурта.14Руа тудо шкаланже кедрымале ойырен налеш кипарисым, тумымда чодыраште кушкаш кода,але шында пӱнчым – тудыжым йӱр кушта.15Тиде пу варажым олташ кая –шокшым лукташ айдеме тулым ылыжта, киндым пышта.Тиде пу гычак тудо юмым ышта да тудлан вуйжым сава,шояк юмым ышта да ончыланже кумык возеш.16Пел пужым айдеме йӱлалта –шылым тулеш кӱкта да теммеш кочкеш.Тудо ыра да каласа:«Мылам ынде шокшо, мый тулым шижым».17А мо кодшыж гыч юмым, шке шояк юмыжым, ыштада тудлан вуйжым сава, ончыланже кумык возеш.Айдеме тудлан кумалеш да ойла:«Утаре мыйым, вет тый юмем улат».18Нимом нуно огыт пале, огыт умыло!Ынышт уж да ынышт умыло манын,нунын шинчашт ден ушышт петыралтын.19Нигӧ нунын кокла гыч ок шоналте,нигӧн ушыжо да умылымашыже ок сите тыге каласаш:«Пел пужым мый йӱлалтышым,тулшолешыже киндым, шылым кӱктышым да кочкым.Молан кодшыж дене мылам йырнык юмым ышташ?Тӱҥалам мо мый пу сорымлан вуйым саваш?»20Тыгай айдеме пуйто пуракым поктылеш,ондалалтше ушыжо тудым йомын коштыкта.Ок керт тудо шкенжым утарен, шкаланже тыге каласен:«Мо мыйын пурла кидыштем, тиде шояк огыл мо?»21«Шарне тидым, Иаков, шарне, Израиль,вет тый Мыйын тарзем улат.Мый тыйым ыштенам, тый Мыйын тарзем улат.Мыйым ит мондо, Израиль.22Титакетым Мый тӱтыра семын,сулыкетым пыл семын ӱштыл шуэм.Пӧртыл Мый декем, вет тыйым сулен налынам».23Куанен муро, кава, вет Господь тидым ыштен!Куанен йӱклане, мланде келгыт,йывыртен гӱжлыза, курык-влак,чодыра да тушто улшо пушеҥге-влак!Вет Господь сулен налын Иаковым,Израильыште Тудо чапландарыме лиеш!24Тыге ойла Господь, тыйым сулен налшеда ава мӱшкырыштӧ калыплыше:«Мый Господь, чыла Ыштыше улам,Мый шкетын шаралтенам кавам,шаренам шке вием дене мландым.25Шояк пророк-влакын палдарыше палыштым луктам нимошко,юзыланыше-шамычым – аҥырашке,мунло-влакым аптыранымашыш пуртем,шинчымашыштым луктам окмакыш.26Тарземын мом ойлымыжым Мый пеҥгыдемдем,уверзе-влакемын ончылгоч каласымыштым шуктем.Иерусалим нерген тыге каласем:”Тудо угыч еҥ-шамыч дене темеш”,Иудан олаже-влак шотышто –”Лийыт нуно угыч чоҥымо,мо шалатымым Мый уэш нӧлталам”.27Вӱд келгытлан каласем:”Кошко! Йогын-влакетым Мый коштем”.28Кир шотышто Мый ойлем:”Тудо – Мыйын кӱтӱчем, шукта Мыйын шонымем,Иерусалим нерген тудо каласа:’Угыч чоҥымо лиеш!’,храм шотышто манеш: ’Тудлан негызым пыштат!’”»
Institute for Bible Translation, Finland