Ис4
1Тиде кечын шым ӱдырамаш ик пӧръеҥым руалтен куча да каласа:«Ме шке киндынам кочкашда шке вургемнам чияш тӱҥалына,мемнам шке ватетым гына ыште –ӱмбачна намысым кораҥде».2Тудо кечын Господьын Игыже сӧраллык да чап дене лектеш. Тунам мландын саскаже Израильыште утаралт кодшо-влакын кугешнымашышт да чапышт лиеш.3Сионышто кодшо-влак, Иерусалимыште утаралт кодшо-шамыч, кӧмыт Иерусалимыште илыше-влакын книгашкышт возымо улыт – святой манын лӱмдалташ тӱҥалыт.4Судын шӱлышыж дене, тулын шӱлышыж дене Господь Сион ӱдыр-влакын амырчыкыштым мушкын колта, Иерусалимым вӱр деч эрыкта.5Господь тыге ышта: пӱтынь Сион курык ӱмбалне, калык погынымо верла ӱмбалне кечывалым пыл, а йӱдым шикш ден йолгыжшо тулйолкын лийыт. Чыла чапланыше ӱмбалне Господьын аралтыш леведышыже лиеш.6Тудо кечывал шокшо годым ӱмыл, а йӱр ден тӱтан годым куржын утлымо да аралалтме вер лиеш.
Institute for Bible Translation, Finland