Ис5
1Йӧратымемлан мурым мурем,тиде муро – Тудын виноград аҥаж нерген.Кӱкшака сай мландыште Йӧратымемын виноград аҥаже лийын.2Тудо мландым кӱнчен, кӱ деч эрыктен,тушан эн сай виноградым шынден,аҥа покшелне орол башньым чоҥенда виноградым темдыме верым ыштен.Тудо сай саскам вучен,но тудыжо шере лийын огыл.3«Теве те, Иерусалимыште илыше-влак да Иудан калыкше,Мыйын да виноград аҥам кокласе пашам тӧрлыза.4Мом эше виноград аҥамлан ышташ кӱлеш ыле,мом Мый тудлан ыштен омыл?Молан, кунам Мый сай саскам вученам,тудо кочо саскам конден?5Мый тыланда каласем, мом виноград аҥам дене ыштем:печыжым кораҥдем – тудым чарам кодат,пырдыжшым шалатем – тудым тошкен пытарат.6Мый тудым пустам кодем:тудым пӱчкедашат, пушкыдемдашат огыт тӱҥал –тушто коршаҥге ден иман вондер кушкын шогалыт.А пыл-влаклан кӱштем:тек тудын ӱмбаке йӱрым огыт йоктаре».7Господь Саваофын виноград аҥаже – тиде Израиль калык,Иуда эрге-влак Тудын йӧратыме садше улыт.Вучен Тудо чынлыкым, но ужын вӱр йоктарымым,вучен чын ыштымашым, но колын йӧсын кычкырымым.8Ойго тыланда, пӧрт почеш пӧртым поген налше,пасу почеш пасум шкаланда ешарыше-влак!Моло-шамычлан вер кодын огыл,пуйто пӱтынь мландыште те шкет гына иледа!9Мый колынам, кузе Господь Саваоф каласен:«Чыным ойлем: пӧрт-влак шуко улыт, но нуно пустаҥыт –кугу, мотор суртлаште илаш огыт тӱҥал.10Кугу виноград аҥа йошкар аракам лач ик батым пуа,ик хомер пырче деч лектыш ефа наре веле лиеш». 11Ойго нунылан, кӧмыт эр гычак йӱаш кычалыт,йӱд марте шкеныштым арака дене руштыктарат!12Нунын пайремлаштышт –арфе, кӱсле, тимпан, шиялтыш да йошкар арака,а Господьын пашаже-влакым нуно огыт ончал,Тудын мом ыштымыжым огыт уж.13Тидлан кӧра калыкем пленыш наҥгайыме лиеш:тӧраже-влак шужен шинчаш тӱҥалыт,тыглай калык йӱмӧ шумо дене орлана.14Вес тӱня умшажым почын, логараҥжым чот шарен:каят тушко тӧра ден тыглай еҥ-влак,лӱшкен пайремлыше-шамыч чылан.15Ӱлыкшемыт, камвозыт айдеме-шамыч,кугешныше-влакын шинчашт ӱлык онча.16А Господь Саваоф шке чын судшо дене кӱш нӧлталтеш,Святой Юмо чын ыштымыж дене святой улмыжым ончыкта.17Шке олыкыштышт коштмо семыншорык-влак олаште кочкын кошташ тӱҥалыт,а поян-шамычын пӧртыштышт, кудышт шалатыме улыт,йот еҥ-влак кочкын шинчаш тӱҥалыт.18Ойго нунылан, кӧмыт, орваш кычкалтме семын сулыкыш кычкалтын,кӱлдымашын кандыраж дене осалым почешышт шӱдырен наҥгаят.19Ойлат нуно:«Тек Тудо вашка, шке пашажым писынрак ышта –ме тидым ончалнена ыле.Тек тиде лиеш,тек Израильын Святойжын шонен пыштымыже шукталтеш –тунам ме палаш тӱҥалына!»20Ойго нунылан, кӧмыт осалым поро,а порым осал манын лӱмдат,пычкемышым волгыдылан,а волгыдым пычкемышлан шотлат,кочым шерылан, а шерым кочылан шотлат!21Ойго нунылан, кӧмыт шкеныштым мунлылан да ушанлан шотлат!22Ойго нунылан, кӧмыт йошкар аракам йӱашда аракам тамлештараш мастар улыт,23кӧмыт пӧлеклан кӧра титаканым чыныш луктыт,а титакдымым чын суд деч посна кодат!24Садлан, кузе тулйылме олымым йӱлалта,кузе тул кукшо шудым пытара,туге нунын вожышт шӱеш,пеледышышт пурак семын чоҥештен пыта.Вет нуно Господь Саваофын законжым кӱлдымыш луктыныт,Израильын Святойжын шомакшым шотлымым чарненыт.25Садлан Господьын шыдыже шке калыкшылан ылыжеш,Тудо кидшым нӧлталеш да нуным пера –курык-влак чытырнат,колышо кап-шамыч уремлаште куштыра семын кияш тӱҥалыт.Тидын деч варат Тудын шыдыже ок лушко,Тудын кидше эшеат нӧлталме лиеш.26Тораште илыше-влакым ӱжын, Тудо тистым нӧлталеш,мланде тӱрыштӧ илыше-влаклан палым пуа –толыт нунышт вашке, пеш писын.27Нигӧ нунын кокла гыч ок нойо, ок шӱртньӧ,нигӧ ок нералте, мален ок колто,кыдалыштышт ӱштӧ ок лушко,йолчием кылышт ок кӱрл.28Нунын пикшышт улыт пӱсӧ,чыла йоҥежышт – чымалтарен шындыме.Тулгӱ гай улыт имньыштын кӱчышт,оравашт – пуйто пӧрдшымардеж.29Лев гай нунын ырлымышт,самырык лев семын урлат,мо кучымым ырлен руалтен наҥгаят –нигӧ шупшын ок нал.30Тудо кечын нуно мом кучымышт ӱмбалне ырлат,йӱкышт теҥызын чот лӱшкымыж гай шокта.Кӧ тунам мланде ӱмбаке ончалеш,пычкемыш ден орлыкым ужеш,волгыдым пыл-влак петыреныт.
Institute for Bible Translation, Finland