Ис3
1Пален шогыза: Господь, Господь Саваоф,поген налеш Иерусалим ден Иуда дечӱшанен илыме чыла эҥертышыштым –кинде ден вӱд шапашым,2тале сарзе ден патырым,судья ден пророкым,шинчанужшо ден кугуракым,3витльывуй ден тӧрам, каҥашым пуышым,тале кидмастар ден уста шӱведышым.4«Нунын вуйлатышыштлан Мый рвезе-влакым шогалтем –шонен моштыдымаш нунын дене озаланаш тӱҥалеш».5Тӱҥалыт еҥ-влак шыгыремдылаш икте-весыштым,кажныже – шке лишылъеҥжым.Шотлаш огыт тӱҥал рвезе-влак кугурак-шамычым,йӧрдымӧ еҥ-влак – тӧра-шамычым.6Тунам айдеме шке тукым изажым руалтен куча да каласа:«Тыйын сай вургемет уло – лий мемнан онна,шалатыме тиде верла дене вуйлате».7Но тудыжо кугу йӱкын каласа:«Ом керт мый сусырдам паремден!Мыйын пӧртыштем киндат, сай вургемат уке –калыкын онжылан мыйым ида шогалте!»8Иерусалим шӱртнен, Иуда камвозын!Вет нунын шомак ден пашашт – Господь ваштареш,Тудын чапше ваштареш нуно шогалыныт.9Чурийыштак нунын ваштареш таныкла,Содомышто илыше-влак семыннуно шке сулыкышт нерген шылтыде ойлат.Ойго нунылан! Шке ӱмбакышт азапым шкеак кондат.10Чын ыштыше еҥлан каласыза: тудлан сай лиеш,вет шке пашажын саскажым кочкаш тӱҥалеш.11А осал еҥлан уда лиеш –ыштыме пашаж почеш тудлан пӧртылтымӧ лиеш.12Йоча-влак Мыйын калыкемым шыгыремдылыт,ӱдырамаш-шамыч тудым вуйлатат.О, калыкем! Онет-влак тыйым йомын коштыктеныт,чын корно гыч кораҥденыт.13Господь кынелын судым ышташ,шогалын калык-влакым судитлаш.14Шке калыкшын кугуракше да онжо-влак денетӱҥалеш Господь судитлалташ:«Те виноград аҥам пытаренда!Мом йорло-влак деч поген налында,чыла тиде – тендан пӧртыштӧ.15Молан те Мыйын калыкем шыгыремдеда,йорло-влакым тошкеда?» –ойла Господь, Господь Саваоф.16Господь каласен:«Сионын ӱдыржӧ-влак улыт койышан,коштыт нуно, вуйыштым кӱшкӧ нӧлтен,шинчаштым модыктен, ошкылыт тыпыртатен,йолысо чылвырышт дене чылдыртатен.17Садлан Господь Сион ӱдыр-влакын вуйыштым,лӱмӧ черым колтен, чараҥдада намысле верыштым почын ончыкта».18Тудо кечын Господь нунын ӱмбачкудашеш чыла сӧрастарышым:йолысо чылвырым, кече да катлыше тылзе сынан сӧрастарышым,19кӧржым, кидшолым, чурий леведышым,вуйпидышым, йолшакляка шинчырым,ӱштым, тамлыпуш кленчам, юзо аралтышым,20печатян шергашым, нерыш пижыктыме колчам,21пайрем вургемым, ӱмбал вургемым, тувырым, оксагалтам,22вичкыж шовырым, йытын тувырым, вуйчиемым да кугу шовычым.23Тамлыпуш олмеш лиеш йыгыжге пуш,ӱштӧ олмеш – кандыра,ӱппунем олмеш – чаравуй,мотор тувыр олмеш – чоштыра вургем,моторлык олмеш – когартыме тамга.24Пӧръеҥет-влак керде деч колат,тале сарзет-шамыч сарыште пытат.25Рӱдолан капкаже-влак ойгырен шорташ тӱҥалыт,мландымбалне тудо пустаҥдыме шинчаш тӱҥалеш.
Institute for Bible Translation, Finland