Ис34
1Калык-влак, лишемза да колыштса,тукым-шамыч, тӱткын колыштса!Тек колыт мланде да тушто мо уло,тӱня да тушто мо шочеш!2Чыла калыклан Господь сырен,Тудын шыдыже калык тӱшка-влак ӱмбаке опталме лийын.Тудо нуным шӱшкылаш, пӱтынек пытараш пуэн.3Пуштмо еҥ-влак шала кышкыме лийыт –колышо капышт деч йыгыжге пуш лектеш,нунын вӱрышт курыклам мушкеш.4Шӱдыр-влак шаланен пытат,вӱдылка книга семын кава пӱтырналтеш,мо тушто уло, чылажат йога –кузе виноград вондо гыч лышташале смоква пушеҥге гыч кошкышо саска велеш.5Каваште Мыйын кердем йӱын темын –вола тудо судым ышташ Едом ӱмбаке,пӱтынек пытараш шонымо калык ӱмбаке.6Господьын кердыже вӱр дене мушкылтын,коя дене леведалтын –пача да казатаган вӱржӧ дене,тага вергын кояж дене,вет Восораште – Господьын надыр кондымашыже,Едом мландыште – кугу шӱшкылмаш.7Нунын дене пырля пытат ир ӱшкыж-влак,самырык ден кугу-шамычат –нунын вӱрыштым мланде йӱын темеш,кояшт деч рок ӱян лиеш.8Вет тиде – Господьын ӱчым шуктымо кечыже,Сионлан верч мут кучыктымо ий!9Едомын эҥерже-влак савырнат мланде кишыш, чӱкчыгишыш савырна тудын пуракше –пӱтынь мланде лиеш йӱлышӧ киш!10Кечывалымат, йӱдымат тудо ок йӧрӧ,тушечын шикш курымеш нӧлталташ тӱҥалеш.Тиде мланде тукым гыч тукымыш пуста кодеш,тетла нигӧ нигунам тудын гоч эртен ок кай.11Лиеш Едом тумна ден шоҥшо-влакын илемышт,ӱҥгӧ ден курныж-шамыч тӱҥалыт тушто илаш.Шалаташ манын, Юмо тудым кандыра дене,пустаҥдаш манын, воткандыра дене виса.12Ок код тушто кугыжалан шогалтышаш ик лӱмлӧ еҥат,онжо-влак нимошко савырнат.13Полатыштышт кушкын шогалеш иман вондер,карманыштышт – почкалтыш ден лопшудо.Лиеш тудо тулпире-влаклан илыме вер,страус-шамыч тушан вераҥыт.14Ир янлык ден гиене-влак тушто ваш лийыт,ирказа-шамыч тӱҥалыт икте-весыштым ӱжын магыраш,йӱд овда-влак тушто канаш тӱҥалыт,шкаланышт каныме верым муыт.15Кугу кишке тушан пыжашым ышта,муным мунча да игым луктеш,шке ӱмылжӧ йымак нуным пога.Курныж-влакат тушко погынат,мужыр дене толыт чоҥештен.16Кычал муза Господьын книгаштыже да лудса:нине чонан-влак, икте кодде, тушко толыт,кажныже – мужыр дене.Вет Господьын умшаже тыге кӱштен каласен,Тудын Шӱлышыжӧ шкеак нуным пога.17Нунылан Тудо шеревам кудалтада, кандыра дене висен, мландым шеледен пуа.Нуно тушто курымеш озаланашда тукым гыч тукымыш илаш тӱҥалыт.
Institute for Bible Translation, Finland