Ис35
1Куана ир мланде, кукшо мланде,йывырта ошманур да нарцисс семын пелед шогалеш.2Пеледеш тудо сылнында куанаш, йывыртен кычкыраш тӱҥалеш.Ливанын чапше, Кармил ден Шаронын сӧраллыкыштпуымо лийыт тудлан.Чылан ужыт Господьын чапшым,мемнан Юмынан кугулыкшым.3Вияҥдыза ӱнардыме кидым,чытырыше пулвуйым пеҥгыдемдыза.4Каласыза лӱдшӧ-влаклан:«Ида лӱд, пеҥгыде лийза!Тендан Юмыда ӱчым шукташ толеш,тушманлан Тудо мутым кучыкта,Тудо толеш да тендам утара».5Тунам сокыр-влакын шинчашт,соҥгыра-влакын пылышышт почылтыт,6окшак еҥ пӱчӧ семын тӧргаш,йылмыдыме еҥ куанен кычкыраш тӱҥалеш.Вет ир мландыште вӱд лектеш,кукшо мландыште йогын-влак йогат.7Савырна ошманур ерыш,кошкышо мланде – вӱд памашыш.Тулпире-влакын ончыч илыме верыштыштомыж ден вӱдвондо кушкын шогалыт.8Тушто кугу корно шуйналтеш,тудым Святой Корно манын лӱмдат.Ару огыл-влак тиде корно дене огыт кай,тудын дене кайыше иктат ок йом,эсогыл шонен моштыдымо-влакат.9Лев тушто ок лий, осал янлык тушан ок шогал –нуно тушто огыт лий!Сулен налме-влак тиде корно дене пӧртылыт,10Господьын утарыме еҥже-шамыч толыт,Сионыш кугу йӱкын йывыртен кӱзат –курымашлык куан нуным авалта.Куан ден йывыртымаш нуным темат,орлык ден нелын шӱлымаш пытат.
Institute for Bible Translation, Finland