Ис33
1Ойго тыланет, пустаҥдыше,тый, кӧ лийын огыл пустаҥдыме!Ойго тыланет, вес еҥым ужалыше,тый, кӧм нигӧ ужален огыл!Кунам пустаҥдыметым чарнет,тый шкежат пустаҥдыме лият,кунам ужалыметым чарнет, шкендымат ужалат.2Господь, серлаге мемнам,вет ме Тылат инанена!Лий кажне кечын мемнан вийна,неле жапыште – мемнан утарымашна!3Кӱдыратле йӱкет деч калык-влак куржыт,кунам Тый кынелат – тукым-влак шаланен пытат.4Шукш кочмо семын нунын мо улыштым погат,шурнышырчык тӱшка семын погышт ӱмбак кержалтыт.5Господь чыла деч кӱшнӧ!Кава кӱкшытыштӧ Тудо ила,Сионым чынлык да чын ыштымаш дене тема.6Лиеш Тудо тыланда ӱшанле аралтыш,утарымашым, мунлылык ден шинчымашым Тудо лыҥ пуа.Господь деч лӱдмаш – тендан поянлыкда.7Теве виян-влак уремлаште кычкырат,тыныс ойпидышым ышташ колтымо еҥ-шамыч кочын шортыт.8Пустаҥыныт корно-влак,тушто коштшо-влак огыт кой.Ойпидышым пудыртымо,ола-влакым кӱлдымыш лукмо,еҥ-шамычым нимоэш огыт шотло.9Мланде кошкен, лунчырген,Ливан чодыра мыскылалтын, лывыжген.Ир мланде гай лийын Шарон,лышташ деч посна кодыныт Васан ден Кармил.10«Ынде Мый кынелам, – ойла Господь, –ынде шогалам, кӱшкӧ нӧлталтам!11Тендан мӱшкырыштыда шудо иланен,да шочыктеда те олымым,а шӱлалтышда лиеш тендам пытарыше тул.12Калык-влак йӱлат, нунын деч лач татыр кодеш,руэн шуымо иман вондо семын йӱлалтыме лийыт.13Колыштса, умбалне улшо-влак, мом Мый ыштенам,да теат, лишне улшо-влак, Мыйын вий-куатем пален налза!»14Сулыкан-влак Сионышто лӱдыныт,Юмым шотлыдымо-шамыч чытырат:«Кӧ мемнан кокла гыч чыла пытарыше тул пелен илен кертеш?Кӧ мемнан кокла гыч курымаш тулйолкын пелен илен кертеш?»15Тудо, кӧ чыным ышта да чыным ойла,кӧ, шыгыремдылын, парышым налаш ок келше,взятке деч шке кидшым кораҥда,вӱр йоктарыме нерген кутырымым ок колышт,осал пашам онченат ок керт.16Тыгай еҥ илаш тӱҥалеш кӱкшакаште,лӱдде илыме верже кӱ курык лиеш.Пуымо лиеш тудлан кинде,вӱдшӧ нигунам ок пыте.17Шке шинчат дене ужат Кугыжам да Тудын сӧраллыкшым,умбак шуйналтше мландым ужат.18Ондак лӱдын илыметым шарналтен,тый шоналтет: «Кушто еҥ-влакым шотлен лукшо?Кушто йозакым висыше?Кушто башне-влакым ончен коштшо?»19Тетла от уж тиде сӱрза калыкым,ыҥлаш лийдымын кутырышо калыкым,кӧн йылмыже – умылыдымо вудыматымаш.20Ончал Сионым, пайрем-влакнам эртарыме олам,Иерусалим ӱмбак шинчат виктаре.Ужат тый тыныслын илыме верым,омашым, кудыжым тетла огыт тарвате,лукмо огыт лий тудым пеҥгыдын кучышо пашкар-влак,ок кӱрл ик кандыражат.21Тушто мемнан дене пырля кугу Господь лиеш,Тудо мыланна кумда эҥер да вӱдйогын семын лиеш,тушко пушкольман кораблят, кугу кораблят огыт пуро.22Господь – мемнан Судьяна,Господь – мемнан Онна,Господь – мемнан Кугыжана,Тудо мемнам утара.23Кандырат-влак лушкеныт:мачте-влакым огыт кучо,парусым ок лий нӧлталаш.Руалтен налме шуко погым тунам пайлаш тӱҥалыт,эсогыл окшак-влак агаш каят.24Тушто илыше-шамыч кокла гыч нигӧ«мый черле улам» манын ок каласе.Тушто илыше калыкын языкше кудалтыме лиеш.
Institute for Bible Translation, Finland