Ис29
1«Ойго Арииллан, Ариил олалан,Давидын илыме олажлан!Ий дек ийым ешарыза,тек пайрем-влак шке черетышт дене эртат.2Но Мый Ариилым садак шыгыремдем –тудо шорташ да ойгыраш тӱҥалеш,Мыланем жертвенник гай лиеш.3Тыйын йырет Мый стан дене шогалам,башне-влак дене тыйым авырем,ваштарешет мланде кӱкшака-шамычым нӧлталам.4Тый мландыш урымо лият, тушеч ойлаш тӱҥалат,пурак йымач мутет пич йӱкын шокташ тӱҥалеш.Тыйын йӱкет колышо еҥын гай лиеш,пурак йымач вудыматаш тӱҥалат.5Но шуко чотан тушманет савырна пуракыш,шучко капыр савырна чоҥештен кайыше арваш.Вучыдымын, ик татыште6Господь Саваоф тый декет кӱдырчӧ,мланде чытырналтмаш да кугу йӱк-йӱан,тӱтан да пӧрдшымардеж,чыла пытарыше тулйылме семын толеш.7Ариил ваштареш кредалаш лекше шуко калык,ӱмбакше кержалтше, карманже-влакым авырен налшеда тудым чот шыгыремдылше шуко калык,тунам тылат омым, йӱд омым ужмо гай лиеш.8Кузе шужышо еҥлан омешыже конча, пуйто кочкеш –помыжалтеш, а тудо тугаяк шужышо,кузе сусынышо еҥлан омешыже конча, пуйто йӱэш –помыжалтеш, а тудо тугаяк сусынышо да орлана,тугак лиеш йот калык-влак дене,кудышт Сион курык ваштареш кредалыт!»9Ӧрмалгыза, ӧрза,шкендам сокырым ыштыза, сокырак кодса!Руштса, но йошкар арака деч огыл,тайныштса, но пӱрӧ деч огыл,10вет Господь тыланда келге омым колтен.Пророк-влак, Тудо тендан шинчадам петырен!Ончыкужшо-шамыч, Тудо вуйдам леведын!11Чыла кончымаш тыланда печать дене петырыме вӱдылка книгасе мут-влак семын лийын. Тиде вӱдылка книгам лудын моштышо еҥлан пуэда да «луд!» манын каласеда гын, тудо вашешта: «Лудын ом керт, вет тудым печать дене петырыме».12А тудым лудын моштыдымо еҥлан пуэда да «луд!» манын каласеда гын, тудо вашешта: «Мый лудын ом мошто».13Господь каласен:«Тиде калык Мый декем мутшо дене лишемеш,Мыйым нуно йылмышт дене пагалат,а шӱмышт Мый дечем тораште.Мыйым жаплымаш нунылан –айдемын кӱштымыжым шуктен шогымаш веле.14Сандене Мый умбакыжат тиде калык дененигунам уждымо, ӧрмашан паша-влакым ышташ тӱҥалам –мунло еҥыштын мунлылыкышт пыта,ушаныштын уш-акылышт йомеш».15Ойго нунылан, кӧмыт шылыт,Господь деч шонымашыштым шылташ тӧчат.Нуно шке пашаштым пычкемыште ыштат да тыге ойлат:«Кӧ мемнам ужеш? Кӧ пален налеш?»16Чылажымат те вес семын савыреда!Кӧршӧкым ыштыше еҥ шун деч кугурак огыл мо?Каласа мо арвер шке ыштышыж нерген:«Тудо мыйым ыштен огыл»?Каласа мо ӱзгар шке ыштышыж нерген:«Тудо нимомат ок умыло?»17Эше изишак, эше пыртак –Ливан курык тайыл савырна садыш,а тудыжо чодырала кояш тӱҥалеш.18Тудо кечын соҥгыра-влак вӱдылка книгасе шомакым колыт,сокыр-влакын тӱп пычкемыш дене петырналтше шинчашт почылтеш.19Пызырналт илыше-шамычым Господь куан дене тема,йорло-влак Израильын Святой Юмыжлан йывыртат.20Вет шыгыремдыше-шамыч тетла огыт лий,мыскылыше-влак йомыт,пытарыме лийыт осалым ышташ шонышо-влак –21нуно, кӧмыт титакдымым титаканыш луктыт,ола капка воктене судым ыштышым ондалкалат,титакдыме еҥым шке шояшт дене чын суд деч посна кодат.22Сандене Господь, Авраамым сулен налше,Иаков тукым нерген тыге ойла:«Иаков тукым тетла вожылмашыш ок пуро,намыс деч чурийже ок йошкарге.23Вет кунам нуно шке коклаштышт йочаштым –Мыйын кидемын пашажым – ужыт,тунам Мыйын лӱмем святойлан шотлаш тӱҥалыт,Иаковын святойжым святойлан ужаш,Израильын Юмыжым лӱдын жаплаш тӱҥалыт.24Тунам чын корным йомдарыше-влак мунлылыкым муыт,ӧпкелен ойлышо-шамыч туныктымым колыштыт».
Institute for Bible Translation, Finland